• अर्थ सरोकार सम्बाददाता

काठमाडौं । जनताले नपत्याएको प्रचण्डको नेपाल बन्दलाई सेयर बजारले पनि पत्याएन । आमहड्तालको दिन बिहीबार नेप्से परिसूचक बढेको छ । बुधबार २४६६ अंकमा रोकिएको नेप्से परिसूचक बिहीबार ८.३४ अंकले बढेर २४७५.२६ विन्दुमा पुगेको छ । ८.३४ अंकले परिसूचक बढ्दा ७ अर्ब ६१ करोड रुपैयाँभन्दा बढीको कारोबार भएको छ ।

१ करोड ८७ लाख १९ हजारभन्दा बढी कित्ता सेयर खरिदबिक्री भएको छ । १२ वटा समूहमध्ये ६ वटा समूहको सूचक बढेको छ भने ट्रेडिङ र माइक्रोफाइनान्स समूहको सूचक सबैभन्दा बढी बढेको छ । १५ कम्पनीको भाउ ९ प्रतिशत भन्दा बढीले वृद्धि भएको छ । खरिदबिक्री रकममा नेपाल पुनर्बिमा कम्पनी २७ करोड ५३ लाख रुपैयाँसहित अग्रस्थानमा आइपुगेको छ । दोस्रोमा डिप्रोक्स लघुवित्त र तेस्रोमा ग्लोबल आइएमई बैंक परेका छन् ।