• अर्थ सरोकार सम्बाददाता 

राज्यद्वारा प्राप्त माओवादी लडाकुको करोडौ रकम अनिमितता गरेको आरोप महरालाई लाग्दै आएको थियो । एमाले अध्यक्ष केपी शर्मा ओली प्रधानमन्त्री हुँदा एमालेका १३ नेतासहित माओवादी नेता महरालाई पनि अख्तियारले छानविनमा तानेको थियो । तर महराले उपप्रधानमन्त्री तथा अर्थमन्त्रीको सपथ लिएको दोस्रो दिन नै सफाई दिने निर्णय अख्तियारले गरेको छ ।

महरा शान्ति प्रक्रियापछि माओवादीबाट सवैभन्दा बढि मन्त्री हुने नेता हुन् । माओवादी लडाकुका नाममा राज्यले दिएको रकममा अनिमितता गरेको उजुरीकै आधारमा अख्तियारले उनीमाथी छानविन थालेको थियो । उनले दुई पटक अख्तियारमा बयान समेत दिएका थिए  । २० साउनमा अख्तियारले उनलाई क्लिन चिट नै दिएको छ ।

त्यसैगरी अख्तियारले अर्कामन्त्री तथा राप्रपा नेता बिक्रम पाण्डेलाई पनि सफाई दिएको छ । उनी पनि अख्तियारको छानविनमा छन् । मन्त्रीको सपथ लिनुभन्दा एक दिन अघि उनलाई सफाई दिने निर्णय अख्तियारले गरेको हो ।