बिजुक्छेले सार्क राष्ट्रभित्रका लागि जसरी संयुक्त विद्युत सम्झौता गरिँदै छ यसको साँचो भारतमा रहने भएकाले नेपालका लागि हित नभएको बताउदै उनले अघिल्लो सरकारमा उर्जा मन्त्री टोपबहादुर रायमाझी हुँदा प्रस्ताव गर्नु र हाल माओवादीकै नेतृत्वको सरकारमा संसदमा विधेयक प्रस्तुत गर्नुले पनि वर्तमान सरकारको भारतप्रतिको झुकाव प्रष्ट भएको उनले बताए । उनले नेपालको हरेक निर्णयको चाबी भारतसँग भएको स्पष्ट पार्दै यो कुरा बिस्तारै प्रष्टिदै गएको उनले बताए ।

दक्षिण एसियामा जसरी संयुक्त सेनाको फौज बनाउने र त्यसको प्रमुख भारतकै सेनाको पदाधिकारी रहने तयारी भारतले गरिरहेको छ यसले अन्य देश स्वतन्त्र र सार्वभौम भन्ने शब्दमा मात्र सिमित रहने उनको टिप्पणी थियो ।

प्रचण्डको नेतृत्वको सरकार गठनसँगै जसरी विशेष दुतका रुपमा भारतमा विमलेन्द्र निधिलाई पठाइयो यो गलत भएको बताउँदै उनले कुस्ती खेल्न पठाउनुपर्ने व्यक्तिलाई दुतको रुपमा पठाउनु प्रधानमन्त्रीको त्रुटि भएको उनको भनाई थियो ।

उनले भारतीय राजदुतले नेपालमा गरिरहेको क्रियाकलाप कुटनीतिक मर्यादा भन्दा बाहिर रहेको र नेपालको राजदुत फिर्तासँगै भारतले पनि आफ्नो राजदुत फिर्ता बोलाउनु पर्ने भएता पनि नेपाल सरकारको निरहिता र भारतको हेपाहा प्रवृतिकै कारण रेले नेपालमा मनपरि काम गरिरहेको उनको भनाई थियो ।