काठमाडौँ – देशको सबैभन्दा ठूलो पार्टी नेपाली कांग्रेसबाट दलितको प्रतिनिधित्व गर्ने कुनै पनि मन्त्री बनेका छैनन् । शुक्रबार भएको मन्त्रिपरिषद् विस्तारमा कांग्रेसको तर्फबाट मन्त्री बन्नेमा दलित नपरेका हुन् ।
कांग्रेसबाट मन्त्री बन्नेमा जीवन परियार र मीनबहादुर विश्वकर्माको नाम चर्चामा रहेता पनि पार्टीमा चलेको गुटगत राजनीतिका कारण उनीहरु मन्त्री बन्न नसकेको स्रोतको दाबी छ ।
कांग्रेसले पाएको १५ मन्त्रालयमध्येबाट दलित कोटामा एकजना पनि मन्त्री नपरेपछि सामाजिक संजालमा त्यसको चर्चा चलेको छ ।
यसअघि माओवादीबाट महिलालाई मन्त्री नबनाएको विषयमा पार्टीभित्रैबाट चर्को विरोध भएको थियो । अहिले सोही विवाद कांग्रेसमा देखिने खतरा छ ।
