जब ससुरा – ज्वाइँले हात मिलाएर बधाई साटे… – Artha Sarokar

काठमाडौँ – नेपाली राजनीतिमा अनौठो अनौठो दृश्य देख्न पाइन्छ । पुष्पकमल दाहाल प्रचण्ड नेतृत्वको सरकारमा अहिले गजबको संयोग देखिएको छ । त्यो हो ससुरा र ज्वाइँ नै मन्त्री भएको संयोग ।

ति भाग्यमानी ज्वाई ससुरा हुन सहरी विकास मन्त्री अर्जुननरसिंह केसी र स्वास्थ्य मन्त्री गगनकुमार थापा ।

केसी काँग्रेस सभापति शेरबहादुर देउवा समूहबाट तथा गगन काँग्रेस नेता कृष्णप्रसाद सिटौलाको समुहबाट स्वास्थ्य मन्त्री बन्ने अवसर पाएका हुन् ।

त्यसो त गत फागुनमा भएको काँग्रेसको महाधिवेशनमा केसी देउवा समूहबाट र थापा सिटौला समूहबाट महामन्त्रीका रुपमा आपसमा चुनावमा भिडेका थिए । त्यतिबेला ससुरा–ज्वाइँ भिड्दा डा. शशांक कोइरालाले महामन्त्री पड्काएका थिए ।

यसैबीच, ससुरा–ज्वाइँ नै मन्त्री भएपछि राष्ट्रपति कार्यालयमा शुक्रबार भएको सपथ ग्रहणपछि बाहिर ससुरा–ज्वाइँले हात मिलाएर एकले अर्कालाई बधाइ तथा शुभकामना आदान प्रदान गरेका थिए । मन्त्री केसी यसअघि स्वास्थ्य मन्त्री थिए भने थापा पहिलो पटक मन्त्री भएका हुन् । थापाले यसअघि मन्त्री भएको नाताले पनि ससुराबाट सरसल्लाह लिने बाटो खुलेको छ ।