- अर्थ सरोकार सम्बाददाता
काठमाडौँ – नयाँ शक्ति नेपालले रौतहटबाट पोखराको लागि छुटेको ग १ ख ३७०९ नम्बरको रात्रि बस शुक्रबार बिहान मुग्लिनको कालीखोलामा दुर्घटनामा परी २० जनाभन्दा बढीको मृत्यू भएको र दर्जनभन्दा धेरै जना घाइते घटनाले आफलाई स्तब्ध बनाएको बताएको छ ।
प्रवक्ता खिमलाल देवकोटाले ज्ञिप्तिमार्फत दुर्घटनामा ज्यान गुमाउनेप्रति श्रद्धाञ्जली र ज्यान गुमाउनेका परिवारजनमा समवेदनाका साथै घाइतेहरुको शिघ्र स्वास्थ्य लाभको कामना गरेका छन् । विज्ञप्तिमा तत्काल उद्धार तथा शिघ्र उपचारको व्यवस्था गर्न सरकारसँग जोडदार माग गरिएको छ ।
यसैगरी नयाँ शक्तिले आफ्नो स्थानीय पार्टी पंक्तिलाई उद्धारमा सक्रियतापूर्वक सघाउन निर्देशन दिएको छ ।
‘सरकारी निरिहता तथा सरोकारवाला निकायको गैरजिम्मेवारीपनका कारण दिनानुदिन भइरहेका सडक दुर्घटनालाई न्यूनीकरण गर्न सरकारको गम्भीर ध्यानाकर्षण गर्दछौंं’, विज्ञप्तिमा भनिएको छ ।
