काठमाडौँ – नेपाल विद्यार्थी संघको ११ औ  महाधिवेशनको बन्द सत्र नजिकिदै गर्दा महाधिबेशन स्थल भृकुटीपण्डपमा झडप भएको छ । महाधिवेशनमा भावी अध्यक्षका प्रत्याशी कुन्दन काफ्ले समूहलाई लक्षित गरी अज्ञात व्यक्तिहरुले ढुंगामुढा गरेपछि स्थिति तनावपूर्ण बनेको हो ।

 आफ्नो समूहलाई ढुंगा हानेपछि आक्रोशित विद्यार्थीहरु अघि बढ्न खोज्दा प्रहरीले लाठी चार्ज गरेको छ । भृकुटीमण्डपको मूल गेट अघि तनाव भएको हो ।  प्रतिनिधि विवादका कारण हिजोको लागि तय भएको बन्द सत्र अझै सुरु हुन् सकेको छैन। अहिले पनि नेताहरु पार्टी सभापति शेरबहादुर देउवाको निवासमा छलफलमा जुटेका बताइएको छ ।   महाधिवेशन स्थल वरपर सुरक्षा व्यवस्था कडा पारिएको छ ।