×

Live on

रेडियो अर्थ सरोकार

Listen to live radio.

रानीपोखरीको पुर्ननिर्माण कार्य रोक्न पुरातत्वले लेख्यो महानगरलाई पत्र

PRIME CA
GLOBAL IME BANK

रानीपोखरीको पुर्ननिर्माण कार्य रोक्न पुरातत्वले लेख्यो महानगरलाई पत्र

१४ भाद्र २०७३, मंगलवार

पढ्न लाग्ने समय: १ मिनेटभन्दा कम


काठमाडौं – पुरातत्व विभागले रानी पोखरी निर्माणको कार्य तत्काल रोक्न काठमाडौं महानगरपालिकालाई निर्देशन दिएको छ । विनाशकारी भूकम्पपछि भत्किएको रानी पोखरीको पुर्ननिर्माण कार्य महानगरपालिकाले गरिरहेको थियो । मापदण्ड विपरित निर्माण कार्य भएपनि रोक्न, र बनाइएका संरचना भत्काउन निर्देशन दिएका हौ, पुरातत्व विभागका महानिर्देशक भेषनारायण दाहालले भने ।
तर पुरातत्व विभागले मापदण्ड विपरित र आधुनिक कच्चा पदार्थ प्रयोग गरी रानी पोखरी निर्माण कार्य थालिएको भन्दै आपत्ति जनाएको छ । पुरानै शैलीमा बनाउने गरी मापदण्ड तयार भएपनि महानगरपालिकाले सिमेन्टको पिलर, बालुवा र गिठ्ठी प्रयोग गरेको भन्दै रोक्न निर्देशन दिएको छ । पुरानै शैलीमा नबनाए रानी पोखरीको मौलिकता हराउने दावी पुरातत्व विभागले गरेको छ ।
रानीपोखरीकोबीचमा रहेको मन्दिर निर्माणमा महानगरपालिकाले सिमेन्टको पिलर राखेको छ । तर मापदण्डमा इटाको पिलर बनाउनु पर्ने उल्लेख गरिएको छ । मन्दिर पुरानै शैलीमा बनाउनु पर्ने भएपनि महानगरपालिकाले आधुनिक रुपमा निर्माण कार्य थालेको छ ।
करिव ११ करोडको लागतमा काठमाडौं महानगरपालिकाले निर्माण कार्य थालेको थियो । भाइटिकाको दिनसम्म पुर्ननिर्माणको काम सकि सर्वसाधरणकाका लागि खुल्ला गर्ने योजना महानगरपालिकाले बनाएको थियो । राज्यका दुई निकायको विवादले पुर्ननिर्माणको काम सोमबारदेखि रोकिएको छ । सोमबार पुरातत्व विभागले महानगरपालिकालाई निर्माण कार्य रोक्न निर्देशन दिँदै लिखित पत्राचार गरेको थियो ।
  • एस काठमाडौँ 

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: