- अर्थ सरोकार सम्बाददाता
काठमाडौँ – बुक गर्दाको समयमा तोकेकै मुल्यमा गाडी लिन खोज्दा थापाथलीमा रहेको कर्ण मोटर कम्पनी प्रालीले एक ग्राहकलाइ गाडी नदिएको खुलासा भएको छ । सुरुमा तोकिएको मूल्यमा कम्पनीले सुजुकीको गाडी नदिएपछि यस्तो रहस्य खुलेको हो । गत जेठ २५ गते बेलेनो डेल्टा १२ सय सिसीको कार ५ हजार रुपैयाँ तिरेर राधिका खड्काले गाडी बुकीङ बुकिङ गरेकी थिइन् । तर तोकिएको मूल्य भन्दा बढी पैसा मागेको र पूरानो मूल्यमा गाडी दिन नसक्ने बताएको उनको भनाइ छ ।
भनिन्छ एउटा, गरिन्छ अर्को :
‘थापाथलीमा रहेको बिक्री कक्षका राजकुमार दाहालले गाडीको मूल्य २८ लाख ७९ हजार पर्नेमा १ लाख ५० हजार छुट गर्दै २७ लाख २९ हजारमा उपलब्ध गराउने गरी सहमति गरेका थिए । मैले गाडीको मूल्य घटबढ भएको अवस्थामा के गर्ने भनी प्रश्न गर्दा दाहालले पुरानै मूल्यमा उपलब्ध गराउने भन्दै आफ्नो नम्बर र गाडीको अन्तिम मूल्य २७ लाख २९ हजार मात्र हुने भनेर रसिदको पछाडि लेखेर दिएका थिए । तर अहिले भने गाडी लिन जाँदा ८० हजार रुपैयाँ थप्नु पर्ने भन्दै आफूलाई गाडी नदिएको उनको भनाइ छ।’ गाडी बुक गरेकी राधिका खड्काले भनिन् ।
उपभोक्ता हित संरक्षण मञ्चमा उजुरी
उनले यसबारे उपभोक्ता हित संरक्षण मञ्चमा उजुरी दर्ता गराएकी छिन् । आफुलाई गाडी बुक गर्न लगाएर पछी बढी मूल्य मागिएको भन्दै उनले उजुरी दर्ता गरेकी छिन् । मञ्चका अध्यक्ष ज्योति बानियाँले यस उजुरी उपर उपभोक्ता हित संरक्षण ऐन २०५४ को कानुनी प्रवाधन अनुरुप आफूहरु अगाडि बढिने बताएका छन् ।
