काठमाडौँ – राजधानीको पाँचतारे होटलमा भिभिआइपि माथि संकट आइलाग्यो सोमवार बिहानै । भयो के भने,सोमबार  याक एण्ड यति होटलमा स्काउट एसिया प्रशान्त क्षेत्रीय संगठनको १२ औ सम्मेलनको भव्य समारोह हुन गइरहेको थियो ।

समारोहमा प्रमुख अतिथिका रुपमा राष्ट्रपति विद्या देवी भण्डारीलाई आमन्त्रित गरिएको थियो । शितलनिवासबाट राष्ट्रपति विद्या देवी भण्डारी बिहान ११ बजे कार्यक्रम स्थलमा पुगिन् ।

तर,एउटा असोभनीय दृश्य घट्न पुग्यो घटना स्थलमा । उनी कार्यक्रम स्थलमा पुग्न दुइ तला माथि लिफ्ट चढेर जानुपर्ने थियो । जव राष्ट्रपति भण्डारीले लिफ्टमा  चढिन् । उनी बिच बाटैमा पुग्न नपाउँदै विजुलीको लाइन गयो । बाहिर सुरक्षा कर्मीको भिड लाग्यो । झण्डै एक मिनेट उनी लिफ्टमा अड्किइन् । तत्काल प्राविधिक बोलाइयो अनि भुईमा झार्ने काम गरियो । फेरी आपत, लिफ्टबाट खुट्टा बाहिर निकाल्न नपाउदै लिफ्टको बत्ति बल्यो र फेरी उनी लिफ्ट बाटै कार्यक्रम स्थलमा पुगिन् ।

कार्यक्रम स्थलमा पुगेको केही समय पश्चात् आफ्नो मन्तव्य राखिन् । मन्तव्यका क्रममा उनले पहिला नेपालमा स्काउट एसिया प्रशान्त क्षेत्रीय संगठनको समारोह भएकोमा खुशी व्यक्त गर्दै स्काउटमा महिलाको सहभागिता बढाउनुपर्ने जोड दिइन् ।

विशेषगरी महाभूकम्प  गएको बेलामा स्काउटले महत्वपूर्ण भूमिका निर्वाह गरेको थियो । उनले त्यस समयमा स्काउटले खेलेको भूमिकालाई प्रशंसा गर्दै धन्यवाद ज्ञापन गरिन् ।