काठमाडौँ – नेकपा (एमाले)का सचिव योगेश भट्टराईले गुटको भेलामा कसैले बोलाए एक हजार माग्न कार्यकर्तालाई शुझाव दिएका छन् । युवा संघ नेपालले राजधानीमा आयोजना गरेको ‘युवाका स्वदेशी तथा वैदेशिक रोजगारीमा देखिएका अवसर र चुनौती’ विषयक अन्तरक्रियामा बोल्दै उनले यस्तो बताएका हुन् ।  

उनले  सबै कार्यकर्ता रोजगारीमा लागे पार्टीमा गुट कम हुने दाबी समेत गरे । कार्यक्रममा बोल्दै उनले भने, ‘काम नभएकाहरुले हो गुट गर्ने,’ उनले भने, ‘काम भएको र रोजगारी भएको मान्छेले गुट गर्न भ्याउँदैन । पेशा–व्यवसाय सञ्चालन गर्ने कार्यकर्तालाई गुटको भेलामा बोलायो भने ऊ आफ्नो व्यवसाय चौपट हुन्छ भनेर जाँदैन । त्यसकारण सबै कार्यकर्ता रोजगारीमा लागे भने कसरी पार्टीमा गुट चल्छ ?’

उनले अगाडी भने, ‘उनले फुर्सद भएका कार्यकर्ताले पनि गुटको भेलामा बोलाए पहिला एक हजार माग्न सुझाव दिए । ‘नेताले गुटको भेलामा बोलाए भने पहिला एक हजार माग्नु,’ उनले भने, ‘नेताले लौ आउनु दिन्छु भनेको अवस्थामा त्यो पैसा कहाँबाट ल्याउनु भयो भनेर सोध्नु । त्यसपछि कहिल्यै बोलाउँदैनन् ।’