पूर्व राजा बिरेन्द्रको सालिकको नाममा नेपालगञ्जमा बबण्डर,आन्दोनकारी ठडाउने,प्रहरी हटाउने

काठमाडौं – नेपालगञ्जको धम्वोजी(विरेन्द्र चोक) मा राष्ट्रवादी युवाहरुको समूहले बिहीवार प्रहरीलाई झुक्याएर राखेको राजा विरेन्द्रको शालिक प्रहरीले आज शुक्रबार हटाएको छ ।

सरकारको सर्वदलीय बैठकको निर्णय सँगैं पूर्वराजा विरेन्द्र शाहको सालिक प्रहरीले मध्यरातमा हटाएको प्रहरी उपरीक्षक टेकप्रसाद राईले बताएका छन् । हिजो दिउँसो प्रहरी र आन्दोलनकारी बीच झडप भएको थियो । झडपका क्रममा आन्दोलनरत केही युवाहरु घाइते भएका थिए ।

विरेन्द्र चोकमा पूर्व राजा विरेन्द्रको सालिक विहिन रहेको स्तम्भलाई सफा गर्ने भन्दै युवाहरुले प्रहरी सँग अनुमति मागेका थिए । प्रहरीको अनुमति पाए सँगै उनीहरुले कसैले थाहा नपाउँने ढङगले सालिक ठड्याएका थिए ।

‘राज्य गणतन्त्रमा गइसकेको छ, अब पनि पूर्व राजाका नाममा कसैले विवाद झिक्ने र शान्ति सुरक्षामा खलल पुर्याउने काम कसैले गर्नुहुदैन । यस्ता गतिविधीले देशको शान्ती र सुरक्षाा व्यवस्थामा खलल उत्पन्न गराउँने काम मात्र गर्दछ, त्यसैले हामीले आज राति नै शालिक हटाएका हौ’ प्रहरी उपरीक्षक राईले भने । २०६२÷६३ को जनआन्दोलनका क्रममा पूर्व राजा विरेन्द्रको शालिक हटाइएको हो ।