">
काठमाडौँ – निजी क्षेत्रको विमान कम्पनी बुद्ध एयरले जाजरकोट सदरमुकाम खलंगामा आगलागीमा परेर जलेका घाइते ल्याउन अस्वीकार गरेको छ ।
बुद्धले नेपाल गञ्जबाट उपचारका लागि बिरामी काठमाण्डु ल्याउन नमानेको हो । पीडितले बुद्ध एयरको आइतबार बिहान नौ बजको नियमित उडानको टिकट लिएका थिए । तर, जहाज उड्ने अन्तिम समयमा आएर पाइलटले बिरामी बोक्न नसक्ने बताएका थिए । खलंगास्थित मानसिंह खत्रीको पसलमा आइतबार बिहान ११ बजेको समयमा भिषण आगलागी भएको थियो ।
आगलागीका कारण खत्रीकी छोरी १८ वर्षीया संगीता खत्री बोहराको जलेर घटनास्थलमै मृत्यु भयो । त्यस क्रममा मानसिंहसहित स्थानीय गोकर्ण चन्द, प्रेम रानामगर र प्रहरी हवल्दार रमेश शाह घाइते भए । घाइतेमध्ये सिंहको अवस्था गम्भीर छ । जाजरकोट जिल्ला अस्पतालले रेफर गरेपछि घाइतेलाई आइतबार साँझ भेरी अञ्चल अस्पताल नेपालगञ्ज ल्याइएको थियो । तर, उक्त अस्पतालले समेत त्यहाँ उपचार नहुने भन्दे काठमाण्डु लैजान भनेपछि पीडितले बुद्धको टिकट लिएका थिए ।
दाहालले लिखित पत्र पठाउन भनेपछि प्रधानमन्त्री पुष्पकमल दाहाल ‘प्रचण्ड’ सँगको परामर्शमा आचार्यले रक्षामा चिठी पठाउन लगाए । रक्षाको निर्देशनमा नेपाली सेनाको हेलिकोप्टरले नेपालगञ्जबाट सोमबार साँझ करिब ५ बजे काठमाडौँ ल्यायो । घाइतेलाई वीर अस्पताल लगिएकामा वीरले कीर्तिपुरस्थित सामुदायिक अस्पताल रेफर गरेको छ ।
सिंह, चन्द र रानामगरको कीर्तिपुर सामुदायिक अस्पतालमा र प्रहरी हवल्दार शाहको प्रहरी अस्पताल महाराजगञ्जमा उपचार भइरहेको आचार्यले जानकारी दिए । ‘माओवादी केन्द्र जाजरकोटका इन्चार्ज सिंहले बुद्ध एयरको जहाजले बिरामी बोक्न नमानेको भन्दै कारबाहीको माग गरेका छन् ।
‘मानिसको ज्यान जान लागिसक्यो, घाइते छटपटाएर चिच्याइरहेका छन्, यो सबै देख्दादेख्दै पनि तर बुद्ध एयरले बिरामी बोक्न मानेन’, सिंहले भने, ‘के व्यवसाय पैसा कुम्ल्याउन मात्र गर्ने हो ? मानवीयता भन्ने व्यवसायमा हुँदैन र ?’
- काठमाडौँ टुडे
