काठमाडौँ – निकै लामो समय निस्क्रिए भएर एक महिना अघिमात्र विप्लव माओवादी छाडेका केदार खतिवडाले हिजोआज चन्दा आतङ्क मच्चाउँदै हिँडिरहेको खबर प्राप्त भएको संगठनले बताएको छ । उनले पार्टी परित्याग गरेको ६ दिनपछि व्यवसायी धनबहादुर केसीसँग १ लाख लिएको नगद रसिद फेला परेको अखिल क्रान्तिकारी उपत्यकाले विज्ञेप्ती जारी गरेर जनाएको छ ।

खतिवडाले अरु थुप्रै व्यवसायी, व्यापारी र स्कुल÷कलेजहरुबाट पार्टी छाडेपनि विप्लव माओवादीको नाममा व्यवसायीहरुसँग पैसा असुल्न नछाडेको तथ्य सार्वजनिक भएको छ । खतिवडाले धेरै ठाउँमा आफु आर्थिक विभाग प्रमुख भएको भन्दै चन्दा लिइरहेको तथ्य सार्वजनिक भएको छ ।

उनले नक्कली फोन नम्बर राखेर व्यापारीलाई धम्क्याएको कुरा व्यवसायी रामबहादुर महर्जनले बताए । उनी निकट एक विद्यार्थी नेताका अनुसार खतिवडाले विप्लव माओवादी छाडेपछि अहिलेसम्म १० देखि १५ लाख उठाएको बझिएको छ । पहिला आफुसँग जाने टिमलाई उठाएको पैसा सबैलाई बाँड्छु भने पनि एकलौटी रकम जम्मा गरेको खुल्न आएको छ ।

निज खतिवडा यसअघि विप्लव माओवादीको विद्यार्थी संगठनमा क्रियाशिल थिए । उनले विद्यार्थीको २० औं सम्मेलन भाँडेर समानान्तर गतिविधी चलाउँदै आएका थिए । पछिल्लो समय विद्यार्थी संगठनलाई माउ पार्टीले पूर्ण सिंहको नेतृत्वमा जिम्मेवारी दिएपछि उनले असन्तुष्टि राख्दै संगठनलाई नै कमजोर बनाउने अभियानमा लागेका थिए ।

संगठनले आफ्नो गतिवीधि तिव्रता पारेसँगै र पार्टी आन्दोलनमा जाने भएपछि आफुले सोचेजस्तो नहुने देखेर उनले रातारात पार्टी परित्याग गरे । अहिले खतिवडा माओवादी केन्द्रमा पिविएमको बाग्रेनिङ गर्दै आएको कुरा माओवादी केन्द्रका एक नेताले बताए । ती नेताका अनुसार भ्रष्ट्र व्यक्तिलाई पार्टीको केन्द्रमा नराख्ने कुरा खुल्न आएको छ ।

माओवादी केन्द्रले पनि नलिने र विप्लव माओवादीले कार्वाही गरेको खतिवडा यो बीचमा विप्लव माओवादीकै नाममा पैसा उठाउँदै हिँडिरहेका छन् । उनको यो कार्यलाई विप्लव माओवादी विद्यार्थी संगठनका उपत्यकाले घोर आपत्ति जनाएको छ ।

उपत्यका संयोजक लोकेश विश्वकर्माले एक विज्ञप्ती जारी गर्दै निज खतिवडाले गरिराखेको गतिविधी तत्काल बन्द र व्यवसायीहरुबाट संकलन गरेको रकम व्यवसायीलाई नै तुरुन्त फिर्ता गर्न आह्वान गरेका छन् । उनले फिर्ता नगरे सबै उपाय प्रयोग गरिने बताएका छन् ।