काठमाण्डौ – नेपालीहरुको महान चाड दशैं आउन अव एकमहिना जस्तो मात्र बाँकी छ । तपाइंले दशैंका लागि बजेट पनि बनाउनु भएको होला । तर विचार गर्नुहोस् यसपालीको दशैंतिहार बढी नै महँगो हुँदैछ । अर्थ सरोकार डटकमसँग कुराकानी गर्दै व्यवसायीहरुले यसपालीको दशैं महँगो हुने कारण देखाएका छन् ।

मुख्य कारण बन्द रहेको तातोपानी नाकालाइ लिइएको छ। 

गत वर्षको भूकम्पका कारण तातोपानी नाका बन्द भएको थियो । नेपालका तर्फबाट तातोपानी नाकालाई पुनः सञ्चालन गर्न पटक – पटक पहल भएपनि चिनिया पक्षले चासो देखाउँदा नेपालको प्रयास असफल भएको छ । त्यसैले यसपालीको बजारमूल्य झन्डै १० % ले बढ्न सक्ने बताइएको छ । 

यता तातोपानी नाका नखुलेपनि वैकल्पिक नाकाको रुपमा रहेको केरुङ नाकाबाटै दशैँका लागि चीनबाट सामान आउने र त्यसले बजार मूल्यमा फरक नपर्ने आपूर्तिमन्त्री दिपक बोहराले बताए । उनी भन्छन्, “तातोपानीमा अझै अप्ठ्यारो स्थिति नै छ तर त्यो खुलेपनि नखुलेपनि महंगी बढ्ला कि भन्ने जुन शंका छ, त्यो हुन पाउँदैन र हुँदैन।”