काठमाडौँ – आन्तरिक राजस्व विभागको वेव साइटमा समस्या देखिएपछी अहिले करदातामा आक्रोश छ । करको विवरण बुझाउने अन्तिम मिति आइपुग्दापनि साइटको समस्या समाधान नभएपछी अहिले करदाताले आफ्नो रिस विभिन्न कर कार्यालयका कर्मचारीहरुलाइ पोख्ने गरेका छन् । नपोखुन् पनि किन जरिवानाको सवाल जो छ । तर आन्तरिक राजस्व विभागका कर्मचारीको गुनासो भने बेग्लै छ । उनीहरु आफु अहोरात्र खट्ने गरेको, रातभर काम गरेको, घरनै गएपनि निकै अबेर गएको गुनासो पोख्छन् ।  

विभागका प्रवक्ता राममणि दुवाडीले आफ्ना कर्मचारीहरु अहोरात्र खटीरहेको बताएका छन् । उनी भन्छन्, ‘ मैले पनि साइटमा किन यस्तो समस्या आयो भनेर सोध्दा कर्मचारीहरुले, सबैले साइट नचलेको मात्र देख्ने गरेको र आफु लागिरहेको कुरा भने देख्ने नगरेको गुनासो पोख्ने गरेका छन् ।’ उना अनुसार अन्तिम समयमा आएर साइटमा थुप्रै करदाताले एकै पटक विवरण बुझाइरहेकाले यस्तो समस्या भएको हो ।

यता विभागका सुचना प्रविधि बिज्ञ प्रेमशरण श्रेष्ठले पनि आफ्ना कर्मचारीहरु रात दिन खटीरहेको बताएका छन् । साथै सुचना प्रविधि साखाका कर्मचारी दिपेश लेखक र बिनोद विडारीले पनि आफुहरु अहोरात्र खटीरहंदा पनि साइटमा समस्या आएको भएपनि आफुहरुले मेहेनतभने गरीरहेको बताउँछन् । ‘हामी रातभर पनि काम गरिरहेका छौं ।’ विनोद विडारीले अर्थ सरोकार डटकमसँग भने ।