×

Live on

रेडियो अर्थ सरोकार

Listen to live radio.

विभाजनको संघारमा पुग्यो मधेसी मोर्चा

PRIME CA
GLOBAL IME BANK

विभाजनको संघारमा पुग्यो मधेसी मोर्चा

२० भाद्र २०७३, सोमबार

पढ्न लाग्ने समय: १ मिनेटभन्दा कम


काठमाडौँ – संविधान संशोधनका विषयलाई लिएर संयुक्त लोकतान्त्रिक मधेसी मोर्चा विभाजनको सँघारमा पुगेको छ ।संविधान संशोधनका लागि कार्यदल गठनको विषयमा विवाद बढ्दा मोर्चा नै विभाजित हुने अवस्थामा पुगेको हो । आइतबार मधेसी मोर्चासहित बसेको संघीय गठबन्धनको बैठकले संविधान संशोधनका लागि मस्यौदा कमिटी गठन गरेको छ । तर मोर्चामा आवद्ध चार दलले सो निर्णयलाई अस्वीकार गर्दै कमिटी आवश्यक नै नरहेको बताएको छ ।
संघीय गठबन्धनले संविधान संशोधनका लागि सदभाववना पार्टीका सहअध्यक्ष लक्ष्मणलाल कर्णको स्रयोजकत्वमा ११ सदस्यीय मस्यौदा कमिटी गठन गरेको छ । तर कमिटीका संयोजक रहेका कर्णले आफूलाई सोबारे कुनै जानकारी नभएको भन्दै अस्वीकार गरेका छन् ।
सदभावना अध्यक्ष राजेन्द्र महतोले पनि मस्यौदा कमिटीको कुनै आवश्यकता नरहेको भन्दै अस्वीकार गरे । मधेसी मोर्चाले यसअघि न नै सरकारलाई बुझाएको ११ बुँदे र गठबन्धनले बुझाएको २६ बुँदे माग पूरा गर्नुपर्ने महतोले बताए ।
‘गठबन्धनद्वारा गठन गरिएको ड्राफ्टिङ (मस्यौदा) कमिटीको आवश्यकता नै छैन’, महतोले भने, ‘आन्दोलन गर्दा मधेसी मोर्चाले गर्ने र समिति गठन गर्दा मोर्चाको सरसल्लाहमै हुनुपर्ने भए पनि त्यसको खास आवश्यकता छैन ।’

तराई–मधेस लोकतान्त्रिक पार्टीका उपाध्यक्ष बृषेशचन्द्र लालले ड्राफ्टिङ कमिटी गठनबारे आफ्नो दललाई जानकारी नभएको बताए । ‘ड्राफ्टिङ कमिटी केका लागि गठन भएको हो ? त्यो मलाई थाहा छैन । मोर्चामा यसबारे केही छलफल नै भएको छैन’, उपाध्यक्ष लालले भने ।

  • राजधानी दैनिक

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: