×

Live on

रेडियो अर्थ सरोकार

Listen to live radio.

प्रचण्डको प्रशंसा गर्दै माधव नेपालले भने–काँग्रेस भ्रष्टाचारी हो, त्यसका नेता फास्ट ट्रयाकमा देश डुबाउन लागेका छन्

PRIME CA
GLOBAL IME BANK

प्रचण्डको प्रशंसा गर्दै माधव नेपालले भने–काँग्रेस भ्रष्टाचारी हो, त्यसका नेता फास्ट ट्रयाकमा देश डुबाउन लागेका छन्

२० भाद्र २०७३, सोमबार

पढ्न लाग्ने समय: < १ मिनेट


काठमाडौँ – एमाले वरिष्ठ नेता माधवकुमार नेपालले काठमाडौँ –निजगढ द्रुत मार्ग (फास्ट ट्रयाक) निर्माणको जिम्मा भारतलाई दिन नहुने बताएका छन् ।

नेता नेपालले फास्ट ट्रयाक नेपाली लगानीमै बन्नुपर्नेमा जोड दिए । फास्ट ट्रयाक बनाउने निर्णय र शिलान्यास गर्ने काम आफू प्रधानमन्त्री भएका बेला गरेको स्मरण गर्दै नेपालले विदेशीलाई दिँदा नेपालको हितमा नहुने प्रस्ट्याए । आफू प्रधानमन्त्री भएकै बेला त्यसको अन्तर्राष्ट्रिय टेण्डर दिएर डीपीआर तयार पार्ने काम थालिए पनिसरकार परिवर्तन भएपछि यो काम अघि बढ्न नसकेको उल्लेख गरे ।

नेपालले तत्कालिन सुशील कोइराला नेतृत्वको सरकारले गलत सर्तमा लगत कम्पनीलाई दिन खोज्दा आफूले विरोध गरेको र पनि एमालेले समेत विरोध जनाएको बताए । फास्ट ट्रयाक भारतीय कम्पनीलाई दिने तयारी देशलाई नै ध्वस्त पार्ने र अकुत भ्रष्टाचारका योजना भएको आरोप उनको छ । नेता नेपालले केपी ओली नेतृत्वको सरकारले ढिलै भए पनि फास्ट ट्रयाक निर्माणको काम अघि बढाउन खोजेको र वर्तमान प्रधानमन्त्री पुष्पकमल दाहाल ‘प्रचण्ड’ ले उक्त आयोजना नेपाल आफैंले बनाउने भनेर राखेको अडानको प्रशंसा गरे ।

‘सुशील कोइराला नेतृत्वको सरकारले जुन सर्तमा जुन कम्पनीलाई दिन खोज्यो त्यो देशको अहितमा थियो । त्यसमा देशलाई नै ध्वस्त पार्ने अकुत भ्रष्टाचारका योजना थिए । सुरुदेखि नै मैले त्यसको विरोध गरें । हाम्रो पार्टीले पनि पछि त्यसको विरोध ग¥यो । केपी ओली नेतृत्वको सरकारले केही ढिला गरेर भए पनि त्यो बनाउने राम्रो निर्णय ग¥यो’, अन्नपूर्ण पोस्टमा प्रकाशित अन्तर्वार्तामा नेपालले भनेका छन्, ‘ अहिलेका प्रधानमन्त्रीले पनि यसलाई नेपाल सरकारले नै बनाउँछ भनेकाले अलिकति आशा जगाएको छ ।’

नेपालले काँग्रेसभित्र देशभक्तिको भावना नै नरहेको आरोप लगाए । काँग्रेसमा भ्रष्टाचार बाहेक केही नरहेको र भ्रष्टाचारमा लिप्त भएर काँग्रेसका केही मानिस देश डुबउने देलमा लागिरहेको टिप्प्णी गरे । ‘योभित्र (काँग्रेसभित्र) भ्रष्टचार बाहेक अरु केही छैन । भ्रष्टाचारमा लिप्त भएर देश डुबाउन काँग्रेसभित्रका केही मानिस लागिरहेको देखिन्छ’, उनले भनेका छन । नेता नेपालले असी/पचासी अर्बमा बन्ने योजनालाई एक खर्ब बाह्र अर्ब पु¥याएर दिन खोजिएकाले त्यो देशको अहितमा रहेको स्पष्ट गरे ।

भारतीय कम्पनीको सर्तअनुसार फास्ट ट्रयाक बनाउँदा नेपाललाई नोक्सान हुने बताए । ‘उसको सर्तअनुसार त्यो ट्रयाकमा दस–बाह्र हजार सवारी साधन नै चल्दैन । दस हजारको संख्यमा बाहन नचले त्यसको क्षतिपूर्ति दिन्छु भनेर जुन सम्झौता गर्न खोजिएको छ, त्यो गलत छ’, नेपालले भनेका छन् । उनले एमाले र माओवादीबीचको गठबन्धन भत्केका कारण मुलुकले दुर्दशा ब्यहोर्नुपरेको टिप्पणी गरेका छन् ।

  • काठमाडौँ टुडे 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: