काठमाडौँ – काठमाडौँमा चोकचोकमा बसेर निकै मीठोसँग खाइने चिज हो पानीपूरी । तर अधिकांस महिला तथा किशोरीहरु बर्त बस्ने आज तीजको दिन पानीपुरीको व्यापार भन्ने घटेको छ ।

अर्थ सरोकार डटकमसंग कुराकानी गर्दै कोटेश्वरमा पानी पुरी बेच्ने सर्लाही घर भएका उमेश्वर सिङ  भन्छन्, ‘पानीपूरी खाने खासमा महिलाहरुले नै हो । आज सबै महिला बार्ता बसेका छन् । त्यसैले व्यापार घटेको छ ।’

यता आज फलफूलको भने व्यापार बढेको छ । विशेषगरी स्याउको माग उच्च रहेको व्यापारीहरुको भनाइ छ । ‘हुन त अरु फलफूल पनि बिक्छ तर स्याउको माग बढी छ। ‘ अर्थ सरोकारसंग कुराकानी गर्दै कोटेश्वरकी व्यापारी बन्दना नगरकोटीले बताईन् । ‘

यता मिठाइको व्यापार भने अघिल्ला तीजको जस्तो नभएको गुनासो व्यापारीहरुको छ । ‘अघिल्लो तीजमा राम्रै व्यापार हुन्थ्यो मिठाइको ।  यसपाली धेरै छैन । कारण के हो त्यो पनि थाहा छैन।  ‘

यता व्यापारीहरुका अनुसार रेष्टुरेन्टको व्यापार आझा ठप्प प्राय : छ । यद्यपि डेरीहरुमा भने भीड छ ।