प्रधानमन्त्री प्रचण्डले आफ्नो भारत भ्रमणमा कुनै नयाँ सम्झौता नहुने बरु विगतमा भएका सहमति समझौताको कार्यान्वयनमा नेपालले जोड दिने बताएका छन् ।

भारत भ्रमणबारे पूर्वपररष्ट्रमन्त्री र कूटनीतिकज्ञहरुसँग बुधबार सल्लाह सुझाव लिने क्रममा प्रधानमन्त्री प्रचण्डले भने, ‘मेरो भारत भ्रमणमा खासै नयाँ विषय छैनन् ।

यसपटक नयाँ सम्झौता गर्नुभन्दा पुराना सम्झौताको प्रभावकारी कार्यान्यवनमा जोड दिइनेछ । भारतीय पक्षबाट पनि भ्रमणमा नयाँ विषय आउँदैनन् भन्ने लाग्छ ।

हाम्रो तर्फबाट पनि नयाँ सम्झौता गर्न जोड दिने छैनौं ।’ उनले आफू लामो ‘सपिङ लिस्ट’ लिएर भारत जान नलागेको बताए ।

भारत भ्रमणमा जाने भन्नेबित्तिकै नेपालमा तरंग आउने गरेको भन्दै उनले आफ्ने भ्रमणलाई संशयका रुपमा नलिन आग्रह गरे ।

अन्नपूर्ण पोस्टबाट