काठमाडौँ – निर्बाचित भएको ३५ दिनपछि प्रधानमन्त्री पुष्पकमल दाहाल प्रचण्डले आज जनताको नाममा  सम्बोधन गर्दै छन्  । प्रधानमन्त्रीले आज बस्ने संसद बैठक मार्फत जनताको नाममा सम्बोधन गर्न लागेका हुन्। संसदको बैठक आज ११ बजे बस्दैछ। सम्बोधन अघि आज प्रधानमन्त्रीले सभामुख ओनसरी घर्तिसँग छलफल गरेका छन् ।  

सम्बोधनमा प्रधानमन्त्रीले सरकारका प्राथमिकताहरुबारे प्रष्ट पार्ने सचिवालयले बताएको छ  । उनले स्थानिय तहको निर्वाचन , आसन्न भारत भ्रमण र संविधान संशोधनका विषयमा समेत प्रचण्डले धारणा राख्ने छन्।  प्रचण्ड गत साउन १९ गते संसदबाट प्रधानमन्त्रीमा निर्वाचित भएका थिए। त्यसपछि उनले सरकारको न्युनतम साझा कार्यक्रम पनि सार्वजनिक गरेका छैनन् ।