काठमाडौंंको मुटु सिंहदरवार नजिकैको भृकुटी मण्डपमा भएको व्याप्त अपारदर्शिता र विचौलियाको विगविगीबारे एशियन समाचारले लगातार नयाँ तथ्यहरु सार्वजनिक गर्दै आएको छ ।

gopya-patra

पहिलो पटक भृकुटीमण्डपको नीतिगत भ्रष्टाचार वारे सुचना वाहिर ल्याएको यस अनलाईनले दोस्रो पटक अपारदर्शिता र भ्रष्टाचार भएका क्षेत्रहरुको अवस्था र तिनको आम्दानी एवं राजश्वमाथि प्रश्न उठाएको हो ।

काठमाडौँ – भृकुटीमण्डपको अनियमितता र विचौलियाको दबदबावारे जानकारी लिने क्रममा वुधवार एक जना कर्मचारीले नाम उल्लेख नगर्ने सर्तमा त्यहाँको भवन निर्माण देखि होटल सञ्चालन र फोनपार्कवारे केहि नयाँ तथ्यहरुको खुलासा गरेका थिए । त्यस्तो समाचार वाहिर आएपछि समाजकल्याण परिषदले शंकाकै भरमा आफ्नै सँस्थाका एकजना सुरक्षागार्ड नवराज धितालको जागिर चट् पार्ने संकेत गरेको छ । समाजकल्याण परिषदका सहायक निर्देशक वोधराज दाहालले सुरक्षागार्ड नवराज धितालसंग मागेको स्पष्टीकरण जसलाई गोप्यपत्र भनिएको छ । हेर्नुस पत्र जस्ताको तस्तै:

तपाई यहाँको विषयमा वाहिर वोलेपछि जागिर खाईदिने धम्की दिनुहुन्छ रे भन्ने एशियन समाचारको जिज्ञासामा सुचनाको जिम्मेवारी समेत सम्हालेका तिनै वोधराज दाहालले वुधवार भनेका थिए प्रमाण पेश गर्नुस । तर विहिवार उनले सुरक्षागार्डलाई मागेको यो स्पष्टीकरणले उनका लागि थप प्रमाण जुटाइरहन जरुरी देखिएन । मुनाफा व्यवशायी,विचौलिया र मन्त्रालय सम्हाल्नेहरु खाने जागिर सुरक्षागार्ड जस्तो सामान्य कर्मचारीको जाने । कस्तो विचित्रको छ नेपाल ? यहाँ जाँतोमा अन्न पिसिदैन घुन मात्रै पिसिन्छ ।

ठूला माछाहरु चौतर्फि मिलाउँछन र सानाहरु जसरी पनि उनिहरुको शिकार वन्न पुग्छन् । राज्यका सवै सरोकारवाला निकायको ध्यान यसतर्फ केन्द्रित होस । एशियन समाचारले गएको एक महिना देखि फ्लोअप गरेको यहि समाचारमा हिमालय टेलिभिजनले नजर र क्यामेरा दौडाएपछि समाजकल्याणका विचौलियाहरु थप छट्पटाए र त्यसको असर परिषदका कर्मचारीहरुसम्म पुग्यो स्रोतले भन्यो ।

२०३८ सालमा राष्ट्रीय सभा मातहतमा आएको सरकारी जग्गा २०४९ मा सामाजकल्यान परिषदको मातहतमा आएको थियो । तत्कालीन राजा बिरेन्द्र बिरबिक्रम शाहले आफनी रानी ऐश्वर्यको अध्यक्षतामा आय आए आर्जन र रमाइलो मेलाको लागि छुटयाएको उक्त भुमिमा अहिले बिचौलीयाहरुको रजाई छ । समाजकल्याण परिषदमा भएका स्टलहरुवारे पनि परिषद र स्थानिय व्यवशायी वीच झण्डै ४ सय स्टलहरुको सुचिमा फरक देखिन्छ । स्थानिय व्यवशायीका अनुसार १७ सय स्टलहरु छन् र परिषदले स्टलहरु १३ सय मात्रै भएको वताउछ ।

टिकट घरमा समेत परिषद लाई जानकारी नदिइ सात लाख कमिशन खाएर होटल खोल्न अनुमति, प्रदशनी स्थलमा ब्यबसायीहरुलाई ४ वटा कार्ड दिएर ब्यापार गर्न छुट । १. पक्की २.बुथ ३.खुला बजार ४.नाङ्गलो तर प्रत्यक बाट २ महिनाको डिभोजीट लिएर ३५ हजार कमिशन चक्कर अलग्गै छ । २०६९ साल ५ महिना को कार्यसमितिको निर्णय बोमोजीम ६९ साल ६ महिना एक देखी लागु हुने गरि सामाज कल्याण परिषदको कार्यसमितिले उक्त जमिन १५ बर्षको लागि मनाङ्ग धारापानी हाल काठमाडौँ सामाखुशीका रबिन्द्र गुरुङ्गलाई भाडामा दिने निर्णय गर्योे ।

५ लाख ५५ हजार रुपैयाँमा भाडामा दिएको उक्त फन पार्कको मासिक आम्दानी करौडौ हुने गर्छ । असाहय अपाङ्गहरुको उत्थान र बिकासका लागि समाजकल्याण परिषदले दिएको त्यस ६० रोपनी जग्गा अहिले गुरुङका लागि सुनको अण्डा कोरल्ने अमुल्य बस्तु बनेको छ ।

काठमाडौको मुटुमा ६० रोपनी जग्गा पाएका गुरुङले त्यसलाई पुरै ब्यवशायिक प्रतिष्ठान जस्तै बनाएका छन् ।