नुवाकोट – पटक पटक स्थगीत भएको नेपाल तरुण दल नुवाकोटको निर्वाचन भोली (विहीबार) हुने तय भएको छ । उक्त अधिवेशन पार्टीका पूर्व उपसभापति गोपालमान श्रेष्ठको प्रमुख आतिथ्य र नेपाल तरुण दलका केन्द्रीय प्रतिनिधि राम रोकायाको उपस्थितीमा कभड हल नुवाकोटमा साढे दश बजेबाट सुरु हुन लागेको तरुण दलका जिल्ला सचिव पदका उम्मेद्धार सुमन गिरीले एसकाठमाडौंलाई जानकारी दिएका छन । यस अगाडि जिल्ला अधिवेशन भाद्र २२ र २३ गतेलाई टुंगो लागेर पनि हुन सकेको थिएन । 

मेरो उम्मेद्धारी के का लागि ? समतामुलक समाज निर्माणको यात्रामा होमिएका एक कर्मवीर गिरी सशक्त जुझारु र गतिशिल कांग्रेस निर्माणका अभियानमा होमिएको पन्ध्र वर्ष बितिसकेको छ । यस अगाडि नुवाकोट क्षेत्र नं. २ बाट क्षेत्रीय सभापतिको तयारी गरिरहेका थिए । तर, पार्टीका केन्द्रीय भूमिकामा रहेका नेताहरुले योगदानको कदर साहस,क्षमताका आधरमा जिल्ला सचिवमा लड्न सुझाव र सल्लाह दिएसँगै भोली हुन लागिरहेको नुवाकोट जिल्ला अधिवेशनमा सचिवको मैदानमा भीड्दैछन । 

अर्थात बुवा र अंकल उमेरकासँग जोश जाँगरले भरिएका यूवा चुनावी मैदानमा उत्रिएका छन । उनलाई जिल्लाका शीर्षस्थ नेताहरुको आर्शिवाद समेत छ । उनीहरुको सल्लाह र सुझाव बमोजिम गिरी तरुण दलको जिल्ला सचिवमा भीड्न लागेका हुन । ‘तरुण दलको माग र जिल्लाको नेताहरुको आग्रहकै आधारमा म जिल्ला सचिवमा लड्न लागेको हुँ ’ उनले भने । गिरी नेपाली कांग्रेस हल्देकालिका सम्पर्क समितिको सचिव समेत हुन । पार्टीको कर्ममा निरन्तर होमिएका गिरीले आफ्नो एजेण्डा सुनाउदै भने ‘ सबै भन्दा पहिले भद्गोल अवस्थामा रहेको नेपाल तरुण दललाई एकिकृत गर्ने, जिल्ला, क्षेत्रीय, गाँउ, वडा कमिटीहरुको विस्तार गर्ने आफ्नो पहिलो एजेण्डा रहेको गिरी सुँनाउछन । 

त्यस्तै, विभिन्न परिस्थितिले गर्दा बिदेश पालाएन भएका युवाहरुलाई बिदेशबाट स्वदेश फर्काउन पहल गर्ने र स्वदेशमै रोजगारीको वातावरण श्रृजना गर्न सरकारलाई झकझकाउने अभियानमा छन गिरी ।नेपाल सरकारले जिल्ला जिल्लामा पठाएका रकमको सदुपयोग हुन नसकेको प्रति उनी खिन्न छ । यसरी जिल्ला जिल्लामा पठाइएका रकम राजनीतिक दलका नेताहरुले बाँडीचूडी खाने परम्परा अन्त्य गर्ने आफू कम्मर कस्सेर लाग्ने गिरीको अर्काे योजना रहेको छ ।