यसरी काठमाडौंबाट हरेक बैठकमा बुटवल गएर सुविधा लिने सञ्चालकहरु कल्पना श्रेष्ठ, केशव भण्डारी र बिश्वेश्वर सुवेदी हुन् । उनीहरु तिनैजना सर्वसाधारण सेयरधनीका तर्फबाट निर्वाचित भएका हुन् । यसमध्ये श्रेष्ठ र सुवेदी विगत साढे ६ बर्षदेखि सन्चालक छन र उनीहरुले त्यहीबेला देखि नै त्यस्तो सुविधा लि“दै आइरहेका थिए भने भण्डारी विगत डेढ बर्षदेखि मात्र सन्चालक छन् । उनीहरुले हालसम्म लिएको सबै सुविधा फिर्ता गर्नुपर्ने हो भने सो रकम बीसौं लाख हुने देखिन्छ । सेवा बैंकले गत बर्षमात्रै सन्चालकहरुलाई भत्तावापत १७ लाखभन्दा बढी रकम बैंकले खर्च गरेको देखिन्छ ।

– सिईओको पनि फिर्ता
यसैबिच सिईओ महेश काफ्लेलाई बैंकको कम्पनी सचिब भएर काम गरेको बेला सन्चालक सरह भत्ता खाएको विषयमा पनि राष्ट्र बैंकले कारवाही गरेको छ । उनले एक बर्षमा तलब सुविधाबाहेक बैठक बैठकभत्ता भनेर खाएको १ लाख १० हजार रुपैंया फिर्ता गराउन राष्ट्र बैंकले निर्देशन दिएको छ । तर, उनले पनि अझै सो रकम फिर्ता गरेका छैनन् ।

यसअघि अनियमित रुपमा प्रमुख कार्यकारी अधिकृतले सञ्चय कोष वापतको रकम लिएको विषयमा पनि विवाद भएको थियो । सञ्चय कोष भनेको स्थायी कर्मचारीलाई मात्र दिईने सुविधा हो । तर, प्रमुख कार्यकारी अधिकृत करारमा नियुक्त व्यक्ति हुन् । सिईओ नियुक्तीको करार सम्झौतामा समेत सन्चय कोष लिन पाउनेसम्बन्धी कुनै व्यवस्था छैन । नियमविपरित सञ्चय कोष लिइरहेको विषयमा राष्ट्र बैंकले छानवीन गरेपछी सिईओ काफ्लेलाई सो रकम दिन बन्द गरिएको छ । तर, सञ्चय कोष कट्टा गरिए पनि सोभन्दा बढी रकम घरभाडा भन्दै दिने गरिएको समेत स्रोतले जनाएको छ ।

– पार्टी चुनावमा बैंकको खर्च
सेवा बैंकका अध्यक्ष भीमप्रसाद तुलाचन नेकपा एमालेका स्थानीय नेता हुन् । त्यस्तै बुटवल नगरपालिका पूर्व मेयर तथा एमाले नेता भोजप्रसाद श्रेष्ठ र अर्का एमाले नेता राजेन्द्र पन्थी पनि बैंक सन्चालक थिए । उनीहरु गतबर्ष एमाले महाधिबेशनमा प्रचारप्रसार र भोट हाल्न आउ“दा सबैले ९ दिनको टिएडिए खाए । यसरी सन्चालकहरलाई दैनिक भ्रमण भत्ताको रुपमा ३ हजार दिने गरिएको छ भने यसबोहक पनि उनीहरुले होटलको पबिल समेत पेश गरेर बैंकबाट रकम लिएका छन् । राष्ट्र बैंकले सन्चालकहरुले बैंकको काम नभईकनै पार्टी काममा आउ“दा समेत बैंकको स्रोतसाधन र भत्ता लिएर दुरुपयोग गरेकोमा रकम फिर्ता गर्न निर्देशन दिएको थियो ।
त्यसपछी पनि बैंक सन्चालकहरु बैंककै गाडी लिएर बैंककै खर्चमा बिजनेस प्रमोसन भन्दै भारतको नैनीताल घुम्न गउका थिए । उनीहरुले गरेको सबै खर्च पनि बैंकमै हालिर्एको छ । सो भ्रमणमा बैंकका डिजिएम हरि लम्साल समेत सहभागि थिए ।

• सेयर बजार साप्ताहिकमा प्रकाशित