काठमाडौँ – बसन्तपुर, करिव ७० बर्षकि यी महिला र बसन्तपुरमा भेटिएकाहरुसँग मागेर जिविका चलाउने दैनिकी । आफ्नै परिचय थाहा छैन उनलाई तर उनको एउटा खास अडान उनकै ठाउँमा बसेर हेर्दा केहि अनौठो लाग्छ ।

उनीसँग मागेर जिविका चलाउनुको विकल्प छैन । राम्रोसँग हिडडुल गर्न पनि सक्दिनन् । तर अनौठो कुरा अरुले भिख दिएको खाने कुरा खान्नन उनी ।  आखिर किन यस्तो ? हामीले जिज्ञासा राख्न खोज्दा उनले प्रतिक्रिया दिइनन् । उनलाई लामो समयदेखि बसन्तपुरमा देखेकाहरु भन्छन्, ‘उनी माग्नु आफ्नो वाध्यता हो र पेशा हो भन्ने बुझ्छिन् । अरुले दिएको भिख खान मन लाग्दैन रे उनलाई ।

   

झट्ट सुन्दा आखिर पैसा मागेपनि खाना मागेपनि एउटै त होनी भन्ने धेरैलाइ लाग्न सक्छ । तर उनलाई लामो समयदेखि देखेकाहरु भन्छन्, ‘ यो सामान्य कुरा होइन, उनको स्वाभिमानको कुरा हो । माग्नु त उनको पेसा हो र उनी पेशा गरेर खान्छिन् । तर कसैले दिएको खानेकुरामा उनी हात थाप्दीनन् । उनको यहि बानी बसन्तपुरमा उनेको चिनारी भएको छ ।