- अर्थ सरोकार संम्वाददाता
काठमाडौं – शिखर इन्सुरेन्सले चालु आर्थिक वर्षको दोस्रो त्रैमासमा १८ करोड एक लाख ६६ हजार ११ रुपैयाँ खुदा नाफा कमाएको छ । यो नाफा गत वर्षको सोही अवधिको तुलनामा सात करोड ८९ लाख ८१ हजार २९४ रुपैयाँले धेरै हो ।
गत वर्ष शिखरले १० करोड ११ लाख ८४ हजार ७१४ रुपैयाँ मात्र खुद नाफा आर्जन गरेको थियो । चुक्ता पुँजी ८१ करोड ७६ लाख ६८ हजार ३०० रुपैयाँ रहेको शिखरको जगेडा कोषमा भने २० करोड ३२ लाख ६९ हजार ९०३ रुपैयाँ छ ।
कम्पनीको बिमा कोषको आकार ५४ करोड ८४ लाख ३९ हजार १९६ रुपैयाँको छ । शिखरले महाबिपत्ति कोषमा तीन करोड ४६ लाख ६४ हजार २१६ रुपैयाँ छुट्याएको छ । शिखरले बिमा कोष र महाबिपत्ति कोषको आकार पनि मजबुत बनाउँदै लगेको बुझ्न सकिन्छ ।
शिखरले दोस्रो त्रैमासमा एक अर्ब ३३ करोड ९९ लाख ७१ हजार ६३३ रुपैयाँ बिमा शुल्क आर्जन गरेको छ । खुद बिमा शुल्क पनि ७५ करोड रूपैयाँभन्दा बढी छ ।
शिखरले यसअवधिमा १९ करोड ६७ लाख ९३ हजार ५६५ रूपैयाँ खुद दाबी भुक्तानी गरेको छ । कम्पनीको ५१ करोड ७६ लाख ७४ हजार ५६६ रुपैयाँ दाबी भुक्तानी हुन बाँकी छ । कम्पनीले पुनर्बिमा कमिसनबाट १४ करोड ७८ लाख ७२ हजार १३७ रुपैयाँ आम्दानी गर्न सफल भएको छ ।
प्रतिसेयर आम्दानी ४४ रुपैयाँ ०४ पैसा ९बार्षिकीकरण० रहेको शिखरको प्रतिसेयर नेटवर्थ भने एक सय ९६ रुपैयाँ १३ पैसा छ ।
