×

Live on

रेडियो अर्थ सरोकार

Listen to live radio.

बुटवल पावर कम्पनीले बाँड्न थाल्यो २० प्रतिशत नगद लाभांश

GLOBAL IME BANK

बुटवल पावर कम्पनीले बाँड्न थाल्यो २० प्रतिशत नगद लाभांश

१२ फाल्गुन २०७३, बिहीबार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौं – बुटवल पावर कम्पनीले बिहीबारबाट २० प्रतिशत नगद लाभांश वितरण गर्न सुरु गरेको छ । कम्पनीले बिक्री प्रबन्धक एनएमबी क्यापिटल लिमिटेडको कार्यालय नागपोखरी काठमाडौंबाट नगद लाभांश वितरण गर्न थालेको हो । बुटवल पावरले गत वर्षको नाफाबाट लगानीकर्तालाई २० प्रतिशत नगद लाभांश दिएको छ । कम्पनीले नगद लाभांशको चेक दिने भएको हो । 
चेक लिन जाँदा लगानीकर्ताले नागरिकताको फोटोकपी वा आफ्नो परिचयपत्र खुल्ने अन्य आधिकारिक पत्र पेस गर्नुपर्नेछ । स्वयं उपस्थित् हुन नसक्नेले मन्जुरीनामा दिएर पठाउन पनि सक्नेछन् । तर त्यसरी मन्जुरीनामा प्राप्त गर्ने व्यक्तिले पनि आफ्नो परिचयपत्र पेस गर्नुपर्नेछ । सेयर धितोमा राखेका व्यक्तिले चाहिँ धितोमा राखेको कम्पनीबाट नगद लाभांश फुकुवापत्र लिएर जानुपर्नेछ । 
लाभांश प्रत्येक दिन आइतबारदेखि बिहीबारसम्म बिहान १० बजेदेखि दिउँसो ३ बजेसम्म वितरण हुनेछ । यसैगरी, शुक्रबार भने बिहान १० बजेदेखि दिउँसो १ः३० बजेसम्म मात्र दिइनेछ । उता, कम्पनीले दिन लागेको ७ प्रतिशत बोनस सेयर भने बुक क्लोज हुनुभन्दा अघि डिम्याट खाता भएकाहरुको खातामै पठाइने भएको छ । तर अहिलेसम्म सेयर डिम्याट नगर्नेको चाहिँ डिम्याट गरेपछि मात्र खातामा जानेछ । 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: