काठमाण्डौ – चाचान ग्रुपले सिमेन्ट उद्योगमा एग्रेसिभ लगानी गर्ने भएको छ । नारायणी सिमेन्ट उद्योगमार्फत त्रिशक्ती ब्राण्ड र जयवागेश्वरी सिमेन्ट उद्योगबाट जयवागेश्वरी ब्राण्डमा सिमेन्ट उत्पादन गर्दै आएको छ ।

समूहका अध्यक्ष बाबुलाल चाचानले बाँकेमा रहेको जय वागेश्वरी उद्योगको क्षमता बढाउने तयारी अन्तिम चरणमा पुगेको बताए।उनका अनुसार ६० करोड रुपैयाँ सिमेन्टको प्लान्ट थपिँदैछ ।

वीरगञ्जमा रहेको नारायणीले दैनिक एक हजार ५० मेट्रिक टन सिमेन्ट उत्पादन गर्दै आएको छ । समूहका प्रवन्ध निर्देशक सतिश चाचानका अनुसार बाँकेको प्लान्ट दैनिक एक हजार टनमा विस्तार हुनेछ ।

अहिले यो उद्योगको क्षमता दैनिक पाँच सय टन मात्रै हो। वीरगञ्ज औद्योगिक क्षेत्रभित्र रहेको सिमेन्ट उद्योगमा एक अर्ब रुपैयाँ लगानी भइसकेको छ ।