">
- अर्थ सरोकार संम्वाददाता
काठमाडौं – फरवार्ड कम्युनिटी माइक्रोफाइनान्स वित्तिय संस्थाले चालु आर्थिक वर्षको दास्रो त्रैमासमा १४ करोड ६८ लाख एक हजार रुपैयाँ खुद नाफा कमाएको छ । फरवार्डले गत वर्षभन्दा खुद नाफामा ६६.७६५ ले बढोत्तरी गरेको हो ।
फरवार्डको यो त्रैमासमा ३२ करोड ७४ लाख ४८ हजार रुपैयाँ खुद ब्याज आम्दानी भएको छ । गत वर्ष फरवार्डले २१ करोड ३३ लाख ९३ हजार रुपैयाँ खुद ब्याज आम्दानी गरेको थियो । यसआधारमा खुद ब्याज आम्दानीमा ५३।४४५ ले वृद्धि गर्न संस्था सफल भएको हो ।
फरवार्डको खराब कर्जा गत वर्ष भन्दा थोरै बढेको देखिन्छ । गत वर्ष ०.१९५ रहेको खराब कर्जा यो त्रैमासमा ०।२७५ पुगेको छ । फरवार्डले दुई अर्ब १९ करोड ६८ लाख १२ हजार रुपैयाँ निक्षेप संकलन गरेको छ भने पाँच अर्ब ४४ करोड ४० लाख ८० हजार रुपैयाँ कर्जा प्रवाह गरेको छ ।
संस्थाले यो त्रैमासमा दुई करोड १७ लाख ८२ हजार रुपैयाँ राइट ब्याक गरेको देखाएको छ । कम्पनीले सम्भावित जोखिमका लागि एक करोड तीन लाख ३२ हजार रुपैयाँ छुट्याएको छ ।
फरवार्डको चुक्ता पुँजी १४ करोड रुपैयाँ छ । यसको रिजर्भ कोषमा ४९ करोड ५८ लाख ९२ हजार रुपैयाँ पैसा जम्मा भइसकेको छ । फरवार्डले हालै निष्कासन गरेको आइपीओमा पाँच अर्ब ५० करोड रुपैयाँ भन्दा बढीको आवेदन परेको छ ।
कुल ६ लाख कित्ता सेयर निष्कासन गरेकोमा पाँच लाख ४० हजार सेयर सर्वसाधारणलाई दिएको थियो । यो आइपीओमा झन्डै १०२ गुणभन्दा बढी आवेदन परेको हो ।
