काठमाडौं – मिसन डेभलपमेन्ट बैंकले एक सय प्रतिशत सेयर निष्कासन गर्ने अनुमति पाएको  छ । मिसनलाई धितोपत्र बोर्डले १.१ एक कित्ता बराबर थप अर्को एक कित्ता  अनुपातमा हकप्रद सेयर जारी गर्न अनुमति दिएको हो ।

मिसनले अब १९ करोड ४९ लाख २५ हजार रुपैयाँको १९ लाख ४९ हजार २५० कित्ता हकप्रद सेयर बिक्री खुला गर्नेछ । मिसनमा बिक्री प्रबन्धकको काम भिबोर क्यापिटल लिमिटेडले गर्दैछ । 

बोर्डबाट अनुमति पाइसकेकाले बैंकले अब केही समयभित्रै हकप्रद निष्कासन प्रक्रिया अघि बढाउने छ । बैंकको हाल चुक्ता पुँजी १९ करोड ४९ लाख २५ हजार रुपैयाँ छ । यो हकप्रदपछि बैंकको चुक्ता पुँजी शतप्रतिशतले बढोत्तरी भएर ३८ करोड ९८ लाख ५० हजार पुग्नेछ ।

चालु आर्थिक वर्षको दोस्रो त्रैमासमा मिसनले तीन करोड ६६ लाख ६१ ह्जार रुपैयाँ खुद नाफा कमाएको छ । मिसनको प्रतिसेयर आम्दानी ३७ रुपैयाँ ६१ पैसा छ ।