काठमाडौं –  एनएमबि बैंकले चालु आर्थिक वर्षको दोस्रो त्रैमासमा ७० करोड १० लाख ७८ हजार रुपैयाँ खुद नाफा कमाएको छ । बैंकको नाफा गत वर्ष भन्दा ६६.४४५ ले बढेको हो । गत वर्ष बैंकको खुद नाफा ४२ करोड १२ लाख ११ हजार रुपैयाँ थियो ।

 बैंकले एक अर्ब २६ करोड ११ लाख ४८ हजार रुपैयाँ खुद ब्याज आम्दानी गरेपछि नाफामा पनि राम्रो प्रभाव परेको हो । एनएमबिले खुद ब्याज आम्दानीमा गत वर्ष भन्दा ६४.८१५ ले बढोत्तरी गरेको हो ।

एनएमबिको यो त्रैमाससम्म आइपुग्दा निक्षेप संकलन ६८ अर्ब ७९ करोड ७९ लाख ८२ हजार रुपैयाँ पुगेको छ । बैंक ५८ अर्ब ९३ करोड ६९ लाख ९४ हजार रुपैयाँ कजा प्रवाह गर्न पनि सफल भएको छ । बैंकको कर्जा निक्षेप अनुपात ७७.६४५ रहेको छ भने कस्ट अफ फन्ड ४.०४५ छ । 

बैंकको खराब कर्जा गत वर्ष भन्दा थोरै बढेर १.८९५ पुगेको छ । यो त्रैमासमा बैंकले २२ करोड ६६ लाख चार हजार रुपैयाँ राइट ब्याक गरेको छ । सम्भावित जोखिमका लागि बैंकले २७ करोड ८३ हजार रुपैयाँ छुट्याएको छ ।

एनएमबि बैंकको हाल चुक्ता पुँजी पाँच अर्ब ४३ करोड ६२ हजार रुपैयाँ छ । राष्ट्र बैंकले तोकेको चुक्ता पुँजी पुर्याउन बैंकले कसरत गरिरहेको छ । बैंकले १९ प्रतिशत बोनस सेयर दिने प्रस्तावलाई पारित गरिसकेको छ । बैंकको रिजर्भ कोेष पनि निकै राम्रो छ । 

एनएमबिले चार अर्ब ५४ करोड ४३ लाख २२ हजार रुपैयाँ रिजर्भ कोषमा रखेको छ । प्रतिसेयर आम्दानी २८ रुपैयाँ ३१ पैसा रहेको यो बैंकको प्रतिसेयर नेटवर्थ १८३ रुपैयाँ ६९ पैसा छ ।