काठमाडौं – राष्ट्रिय बिमा संस्थानले चालु आर्थिक वर्षको दोस्रो त्रैमासमा ३६ लाख ६९ हजार रुपैयाँ खुद नाफा कमाएको छ । गत वर्ष यही त्रैमाससम्म आइपुग्दा संस्थानले ९४ हजार ४५ लाख खुद नाफा कमाएको थियो । संस्थानको खुद नाफामा गत वर्ष भन्दा ६१.१५५ ले गिरावट आएको हो ।

 खुद नाफामा भारी गिरावट आइरहँदा पनि राष्ट्रिय बिमा संस्थानको जीवन बिमा कोष भने अत्यन्तै मजबुत देखिन्छ । संस्थानको चुक्ता पुँजी ९३ लाख रुपैयाँमात्र भएपनि रिजर्भ कोषमा भने ३१ करोड ८५ लाख ७० हजार रुपैयाँ जम्मा भएको छ । 

संस्थानको जीवन बिमा कोषमा १२ अर्ब चार करोड ४८ लाख ५५ हजार रुपैयाँ छ । यसअवधिमा संस्थानले एक अर्ब १५ करोड ४४ लाख ९० हजार रुपैयाँ खुद बिमा शुल्क आर्जन गरेको छ । दोस्रो त्रैमासमा यो संस्थानले एक अर्ब २८ करोड ३२ लाख ६५ हजार रुपैयाँ खुद दाबी भुक्तानी गरेको छ ।