काठमाडौं – नेपाल एसबीआई बैंकले चालु आर्थिक वर्षको दोस्रो त्रैमासमा ७५ करोड ८७ लाख २५ हजार रुपैयाँ खुद नाफा कमाएको वित्तीय विवरण बाहिर ल्याएको छ । यो नाफा गत वर्षको दोस्रो त्रैमासमा भन्दा २१।६०५ ले धेरै हो । 

अघिल्लो वर्ष यही बेला एसबीआइले ६२ करोड ३९ लाख २८ हजार रुपैयाँ खुद नाफा कमाएको थियो । बैंकले खुद ब्याज आम्दानीमा गत वर्ष भन्दा ३० करोड ९९ लाख पाँच हजार रुपैयाँ बढोत्तरी गर्न सफल भएको छ । यो त्रैमासमा बैंकको खुद ब्याज आम्दानी एक अर्ब ४५ करोड १३ लाख ६२ हजार रुपैयाँ पुगेको छ ।  

अघिल्लो वर्ष यही बेला बैंकको खुद ब्याज आम्दानी एक अर्ब १४ करोड १४ लाख ५७ हजार रुपैयाँ मात्र थियो । चुक्ता पुँजी तीन अर्ब ८८ करोड २७ लाख ३६ हजार रुपैयाँ रहेको एसबीआईको जगेडा कोषमा भने तीन अर्ब ८५ करोड २९ लाख २६ हजार रुपैयाँ छ । 

जगेडा कोषले लगानीकर्तालाई आकर्षित गर्ने देखिन्छ । एसबीआईले प्रिमियमा ६७ हजार ७६७।८७ कित्ता एफपीओ पनि बिक्री गरेको छ । यसले पनि रिजर्भ कोष अझै दरिलो बनाउनेछ । एसबीआईले निक्षेप ५८ अर्बबाट बढाएर ७७ अर्ब ५९ करोड ९३ लाख ८७ हजार रुपैयाँ पुर्याएको छ । यसैगरी, ५९ अर्ब ७७ करोड २३ लाख २८ हजार रुपैयाँ कर्जा प्रवाह पनि गरेको छ ।

सम्भावित जोखिमका लागि १५ करोड ९३ लाख ८४ हजार रुपैयाँ छुट्याएको यो बैंकले दुई करोड ६८ लाख ३६ हजार रुपैयाँ राइट ब्याक गर्न पनि सफल भएको छ । बैंकको खराब कर्जा यो त्रैमासमा घटेर ०।१२ ५ मा आइपुगेको छ । अघिल्लो वर्ष दोस्रो त्रैमासमा खराब कर्जा ०।१७ ५ थियो ।

 प्रतिसेयर आम्दानी ३९ रुपैयाँ ०७ पैसा बार्षिकीकरण रहेको बैंकको प्रतिसेयर नेटवर्थ भने एक सय ९९ रुपैयाँ २० पैसा रहेको छ । एसबीआईले गत वर्षको नाफाबाट लगानीकर्तालाई २८ प्रतिशत बोनस सेयर दिंदैछ । चुक्ता पुँजी बढाउन १० कित्ता बराबर थप ४ कित्ता हकप्रद सेयर दिने प्रस्ताव पनि साधारण सभामा लगिंदैछ ।