">
- अर्थ सरोकार संम्वाददाता
काठमाडौं – सेती फाइनान्सको दुई लाख ४९ हजार ९१८ कित्ता सेयर बुधबारदेखि लिलामीमा बिक्री खुला भएको छ । फाइनान्सले एक लाख ८३ हजार २३५.८६ कित्ता संस्थापक सेयर र ६६ हजार ६८२.१४ कित्ता सर्वसाधारण समूहको सेयर लिलामीमा बिक्री सुरु गरेको हो । सेयर खरीदका लागि आवेदकले फागुन १९ गतेभित्र बोलपत्र पेस गरिसक्नु पर्नेछ ।
न्यूनतम एक सय रुपैयाँलाई आधार मानेर त्यसभन्दा बढी भाउ तोकी दरखास्त पेस गर्नुपर्नेछ । हकप्रद निष्कासनका बेला बिक्री नभएको सेयर सेतीले यतिबेला लिलामीमा बिक्री थालेको हो ।
सेतीले मंसिर १ देखि पुस ५ गतेसम्म हकप्रद बिक्री खुला गरेको थियो । बोलपत्र आवेदन फारम सेती फाइनान्स लिमिटेड टिकापुर, कैलाली वा एनआइबीएल क्यापिटल मार्केट्स लिमिटेड लाजिम्पाट काठमाडौंबाट लिन र बुझाउन सकिनेछ ।
सेतीको बिक्री प्रबन्धक एनआइबीएल क्यापिटल मार्केट्स लिमिटेड रहेको छ । बोलपत्र फागुन २२ गते एनआइबीएल क्यापिटल मार्केट्स लिमिटेड लाजिम्पाट काठमाडौंमा दिउँसो ३ बजे खोलिनेछ ।
