काठमाडौं – विजया लघुवित्त वित्तीय संस्था लिमिटेड (vijaya laghubitta bittiya sanstha ltd.) ले दोस्रो त्रैमासमा मुनाफा १ करोड ५३ लाख रुपैयाँ कमाउन सफल भएको छ जुन गत वर्षको तुलनामा ८३ दशमलव ७६ प्रतिशतले वृद्धि भएको हो । कम्पनीले गत वर्षको सोहि अवधिमा ८३ लाख रुपैयाँ मुनाफा कमाएको थियो ।

कम्पनीले निक्षेपमा १ सय ९३ प्रतिशतले वृद्धि गरी ९ करोड ६० लाख रुपैयाँ संकलन गरेको छ । कर्जामा १ सय ७ प्रतिशतले वृद्धि गरी ६३ करोड ८७ लाख रुपैयाँ लगानी गरेको छ । त्यस्तै खुद व्याज आम्दानीमा ६५ प्रतिशतले बढेर ३ करोड ७२ लाख रुपैयाँ पुगेको छ भने सञ्चालन मुनाफा ४३ दशमलव ०५ प्रतिशतले वृद्धि गरी १ करोड ८३ लाख रुपैयाँ रहेको छ । कम्पनीले प्रोभिजनमा ४४ लाख रुपैयाँ राखेको छ ।

कम्पनी (VLBS) को निष्कृय कर्जा १ दशमलव ०८ प्रतिशत रहेको छ भने जोखिम युत्त सम्पति २६ दशमलव ९६ प्रतिशत रहेको छ । प्रतिशेयर आम्दानी वार्षिक १९ दशमलव १२ रुपैयाँ, मुल्य आम्दानीको अनुपात ४१ दशमलव ७९ गुणा, प्रतिशेयर नेटवर्थ १ सय १५ दशमलव ४५ रुपैयाँ र तरलता अनुपात १६ दशमलव ३१ प्रतिशत रहेको छ ।