काठमाडौं – भार्गव विकास बैंकले मंगलबारदेखि एक सय प्रतिशत हकप्रद सेयर बिक्री खुला गरेको छ । भार्गवले १ः१ ९एक बराबर एक कित्ता० अनुपातामा प्रतिकित्ता १०० रुपैयाँको दरले १२ लाख कित्ता हकप्रद सेयर बिक्री खुला गरेको हो । 

यो हकप्रद सेयर चैत २८ गतेसम्म भर्न पाइनेछ । हकप्रदपछि भार्गवको चुक्ता पुँजी २६ करोड ४० लाख रुपैयाँ पुग्नेछ । भार्गवले गत वर्षको नाफाबाट लगानीकर्तालाई २० प्रतिशत बोनस सेयर दिइसकेको छ । यो हकप्रद सेयरमा फागुन ११ गतेसम्म कायम सेयरधनीले मात्र आवेदन दिन सक्नेछन् । 

भार्गवको बिक्री प्रबन्धकको जिम्मेवारी एनएमबि क्यापिटलले लिएको छ । भार्गव विकास बैंक केन्द्रीय कार्यालय सुर्खेतरोड तथा यसका अधिकांश शाखा कार्यालयबाट आवेदन दिन सक्नेछन् । यस्तै, एनएमबि क्यापिटल लिमिटेड नागपोखरी काठमाडौं तथा एनएमबि बैंकको अधिकांश शाखा कार्यालयबाट पनि आवेदन दिन सकिनेछ । एनएमबि क्यापिटल लिमिटेड नागपोखरी काठमाडौंबाट भने चेक मात्र बुझिने ब्यवस्था गरिएको छ । चालु आर्थिक वर्षको दोस्रो त्रैमास सम्ममा भार्गवको चुक्ता पुँजी १४ करोड ४० लाख रुपैयाँ छ । भार्गवले यो त्रैमासमा एक करोड ८० लाख ८ हजार रुपैयाँ खुद नाफा कमाएको छ ।