वल्र्ड मर्चेन्ट फाइनान्समा कार्यरत रहँदा उपाध्याय, ज्ञानेन्द्र श्रेष्ठ र सोही फाइनान्सका पूर्वप्रमुख कार्यकारी अधिकृत रञ्जित कोइरालासमेतले आठ करोड रुपैयाँभन्दा बढी घोटाला गरी बैकिङ कसुर गरेको अभियोग लागेको थियो । यस्तो गम्भीर प्रकृतिको अभियोग लागेका कोइरालाले घटना सार्वजनिक भएलगत्तै देश छाडेका थिए । तत्पपश्चात् केन्द्रीय अनुसन्धान ब्यूरो (सीआईबी)ले वल्र्ड मर्चेन्ट प्रमुख कार्यकारी उपाध्याय र श्रेष्ठलाई बैंकिङ कसुरको अभियोगमा काठमाडौंको पुतलीसडकबाट पक्राउ गरेको थियो ।

केही समय सीआइबीको हिरासतमा बसेका उपाध्याय अदालतले मागेको धरौटी बुझाएर रिहा भएका थिए । उक्त घटनापश्चात् बैंकिङ क्षेत्रबाट पलायन भएका उपाध्याय केही समय दुबईमा गएर समेत बसेका थिए । नेपाल फर्केलगत्तै फाइनान्सको वित्तीय अवस्थामा सुधार ल्याउने प्रतिबद्धतासहित सिनर्जीको सञ्चालक समितिलाई प्रभावमा पारेर फाइनान्स प्रवेश गरेका उपाध्याय अहिले पनि सिनर्जीलाई धराशायी बनाउने गम्भीर खेलमा लागेको श्रोतको दाबी रहेको छ ।


सिनर्जी फाइनान्सको यस्तो प्रतिक्रिया 
यस बिषयमा बुझ्न हामीले फाइनान्समा  सम्पर्क गरेका थियौं । सुचना अधिकारी भन्दै फोन फाइनान्सकि कर्मचारी सिता चित्रकारलाई पास भयो । तर हाम्रो प्रश्न सुन्ने बितिकै उनले आफु संस्थाको सुचना अधिकारी नभएको बताइन् । त्यसपछि हामीले फाइनान्सका सुचना अधिकारी को हुन् भनेपछि, उनले भनिन्, ‘ल ल मै भएपनि यो कुरा हामीलाई थाहा हुन्न । हामी त कर्मचारी मात्र हो । उहाँ जेल पर्नुभएको कुरा हामीलाई थाहा छैन । यो त बोर्डले हेर्ने कुरा हो । हामी के नै भन्न सक्छौं र ?’ यसअघि पनि हामीले फाइनान्समा सम्पर्क गर्दा ठिक यस्तै भएको थियो । बैंकको सुचना अधिकारी बताउने कर्मचारीले पनि यसरी प्रश्नबाट भाग्न खोज्नुले बैंकभित्र सीइओको कुरालाई लिएर कति लफडा छ भन्ने स्पष्ट हुन्छ ।

हामी यस विषयमा निरन्तर फलोअपमा छौं ।   

• ‘सिनर्जीका सीईओको बर्खास्तीको माग गर्दै अख्तियार पुगे सेयरहोल्डर’ (फलोअप नम्बर ५)
• जनताको पैसामाथि यत्रो ‘रिस्क’ ? 
• कमिसनको लोभमा यतिसम्म गर्छन् बिगतमा बैंकिङ कसुरमा जेल परेका सिनर्जी फाइनान्सका सीइओ ! (फलोअप नम्बर ३)
• सिनर्जी फाइनान्स डुबाउने खेलमा सीइओ विनितमणि उपाध्याय ! यस्ता छन् उनका काला कर्तुत ! (फलोअप नम्बर २)
• EXCLUSIVE : सिनर्जी फाइनान्सको कर्तुत नम्बर १: बैंकिङ कसुरको अभियोग लागेका व्यक्तिनै संस्थाको सीइओ !