काठमाडौं – जनता बैकले मंगलबारदेखि सात लाख ६७ हजार ५५२ कित्ता सेयर लिलामी बिक्री खुला गरेको छ । यस आधारमा बैंकले सर्वसाधारण समूहको तीन लाख ७१ हजार २६ कित्ता र संस्थापक समूहको तीन लाख ९६ हजार ५२६ कित्ता सेयर बिक्री खुला गरेको हो । लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी दरखास्त फारम बुझाउनुपर्नेछ । यो लिलामी सेयरमा आवेदन दिने अन्तिम म्याद चैत १५ गते तोकिएको छ ।

लिलामी सेयरमासंस्थापक समूहको न्यूनतम एक हजार कित्ता र सर्वसाधारण समूहको न्यूनतम एक सय कित्ता वा त्यो भन्दा बढी १० अंकले भाग जाने सबै कित्तामा आवेदन दिन पाइनेछ । बैंकले हकप्रद निष्कासन गर्दा बिक्री नभएको सेयर लिलामीमा बेच्न लागेको हो । यसअधि जनातले मंसिर १ देखि पुस १० गतेसम्म एक करोड तीन लाख कित्ता हकप्रद सेयर बिक्री खुला गरेको थियो । एनसीएम मर्चेन्ट बैंकिङ लिमिटेड कमलपोखरी काठमाडौंमा आइपुग्ने गरी आवेदन पेस गर्नुपर्नेछ ।

 जनताको बिक्री प्रबन्धकको काम एनसीएम मर्चेन्ट बैंकिङ लिमिटेडले गर्दैछ । बोलपत्र चैत १६ एनसीएम मर्चेन्ट बैंकिङ लिमिटेड कमलपोखरीमा दिउसो ३ बजे खोलिनेछ भने चैत २२ गते यसको बाँडफाँट हुनेछ । जनताले बाँडफाँटमा नपरेको सेयरबापतको चेक चैत २७ गतेदेखि आवेदन बुझाएको संकलन केन्द्रबाट फिर्ता दिनेछ । हाल जनताको चुक्ता पुँजी दुई अर्ब ३० करोड ७२ लाख रुपैयाँ छ । चालु आर्थिक वर्षको दोस्रो त्रैमासमा १६ करोड १३ लाख ४८ हजार रुपैयाँ खुद नाफा कमाएको छ । प्रतिसेयर आम्दानी १३ रुपैयाँ ९९ पैसा रहेको जनताको प्रतिसेयर नेटवर्थ ११४ रुपैयाँ ४१ पैसा छ ।