- अर्थ सरोकार संम्वाददाता
काठमाडौं – नेपाल बैंकले २३.७४५ हकप्रद सेयर निष्कासन गर्न धितोपत्र बोर्डसँग अनुमति मागेको छ । बैंकले एक अर्ब ५४ करोड ३१ लाख ८४ हजार रुपैयाँको एक करोड ५४ लाख ३१ हजार ८४० कित्ता हकप्रद सेयर बिक्री गर्न लागेको हो । १००ः२३.७४ को अनुपातमा आउने यो हकप्रदमा बिक्री प्रबन्धकको काम सिभिल क्यापिटल मार्केट लिमिटेडले गर्दैछ ।
चालु आर्थिक वर्षको दोस्रो त्रैमासमा नेपाल बैंकको चुक्ता पुँजी ६ अर्ब ४९ करोड ९४ लाख ७८ हजार रुपैयाँ छ । बैंकले हकप्रद बिक्रीबाट राष्ट्र बैंकले तोकेको आठ अर्ब चुक्ता पुँजी सजिलै पुर्याउने देखिन्छ ।
दोस्रो त्रैमाससम्म आइपुग्दा बैंकले एक अर्ब ८९ करोड ५० लाख ७६ हजार रुपैयाँ खुद नाफा गरिसकेको छ । नेपाल बैंकको प्रतिसेयर आम्दानी ५८ रुपैयाँ ३१ पैसा र प्रतिसेयर नेटवर्थ १३५ रुपैयाँ ५४ पैसा छ ।
