काठमाडौं – नेपाल  टेलिकमका सेयरधनीले ५१ प्रतिशतको दरले नगद लाभांश पाउने भएका छन् । कम्पनीको नवौ साधरणसभाले मुनाफामध्येबाट सेयरधनीलाई ५१ प्रतिशत नगद लाभांश दिने निर्णय गरेको हो ।

नगद लाभांश वितरण मंगलबारदेखि नै सुरु भएको कम्पनीले जनाएको छ । आर्थिक बर्ष ०७२/७३ मा १३ दशमलब ६८ अर्ब खुद नाफा कमाएको नेपाल टेलिकमको सरकारी कोषमा मात्रै राजश्व योगदान ५२ दशमलब २७ प्रतिशत रहेको छ ।

नेपाल टेलिकमको अहिले १ दशमलब ४३ करोड जिएसएम र सिडिएमए प्रविधिमा आधारित मोबाईल प्रयोगकर्ता छन् । देशैभरीका सबै गाउपालिकाहरु तत्कालीन गाउँ विकास समितिमा यसले सेवा पुर्याईसकेको छ ।

इन्टरनेट बजारमा ५५ दशमलब १५ प्रतिशत बजार हिस्सा ओगटेको टेलिकमको ७६ लाख इन्टरनेट प्रयोगकर्ता रहेका छन् । यसै वर्षदेखि नेपाल टेलिकमले आफ्ना ग्राहकहरुलाई चौंथो पुस्तामा आधारित उच्च गतिको इन्टरनेट सेवा दिन थालिसकेको छ । टेलिकमले १५ दशमलब ६५ प्रतिशतले आफ्ना ग्राहक बढेको पनि जनाएको छ ।