काठमाडौं – नेरुडे लघुवित्त विकास बैंकको ५०%हकप्रद, २०५ बोनस र ११.०५५ नगद लाभांश पाउन सेयर सुरक्षित गर्ने बिहीबार अन्तिम दिन हो । नेरुडेले वार्षिक साधारण सभा र ५०५ हकप्रद निष्कासन गर्न फागुन ३० देखि सेयरधनी दर्ता किताब बन्द गर्दैछ ।

शुक्रबार सेयर कारोबार नहुने अनि शनिबार र आइतबार सार्वजनिक बिदा परेकाले नरुडेको हकप्रद, बोनस र नगद लाभांशको हकदार हुन आजै सेयर किनिसक्नुपर्ने हुन्छ । किन भने नेरुडेले सोमबारदेखि बुक क्लोज गर्दैछ । हाल कायम सेयरधनी भने स्वतः लाभांशको भागिदार भइहाल्छन् । नेरुडेले चैत १४ गतेदेखि २ः१ अनुपातमा प्रतिकित्ता एक सय रुपैयाँ अंकित दरको नौ लाख कित्ता हकप्रद सेयर बिक्री खुला गर्ने भएको छ ।

हकप्रद सेयरमा बैशाख १७ गतेसम्म आवेदन दिन पाइने छ । यसैगरी, चैत ३१ गते नेरुडेले वार्षिक साधारण सभा बोलाएको छ । साधारण सभामा गत वर्षको नाफाबाट २०५ बोनस सेयर र बोनस सेयरमा लाग्ने कर समेत गरेर ११.०५५ नगद लाभांश वितरण गर्ने प्रस्ताव लगिने भएको छ ।

नेरुडेको हाल चुक्ता पुँजी १८ करोड रुपैयाँ छ । हकप्रद सेयर बिक्रीपछि नेरुडेको चुक्ता पुँजी २७ करोड रुपैयाँ पुग्नेछ । चालु आर्थिक वर्षको दोस्रो त्रैमासमा नेरुडेले चार करोड ६५ लाख ६६ हाजार रुपैयाँ खुद नाफा कमाएको छ । नेरुडेको प्रतिसेयर आम्दानी २५ रुपैयाँ ८७ पैसा र प्रतिसेयर नेटवर्थ २१५ रुपैयाँ ६१ पैसा छ ।