काठमाडौं – सगरमाथा फाइनान्सले बिहीबारदेखि ८ लाख ८७ हजार ४६३ कित्ता सेयर लिलामीमा बिक्री खुला गरेको छ । फाइनान्सले संस्थापक समूहको ७ लाख २० हजार ३१८.८३ कित्ता र सर्वसाधारण समूहतर्फ एक लाख ६७ हजार १४४.१७ कित्ता सेयर लिलामीमा बेच्न लागेको हो ।

 लगानीकर्ताले न्यूनतम १०० रुपैयाँलाई आधार मानेर त्यसभन्दा बढी मूल्य तोकी निवेदन दिनुपर्नेछ । यो लिलामी सेयरमा आवेदन दिने अन्तिम म्याद चैत २ गतेसम्म तोकिएको छ । फाइनान्सले हकप्रद निष्कासन गर्दा बिक्री नभएको सेयर यतिबेला लिलामीमा बेच्न लागेको हो । 

यसअधि फाइनान्सले पुस ११ देखि माघ १७ गतेसम्म २९ लाख ५४ हजार तीन सय ८९ कित्ता हकप्रद सेयर बिक्री खुला गरेको थियो । आवेदकले एनआइबीएल क्यापिटल मार्केट लिमिटेड लाजिम्पाट काठमाडौं तथा सगरमाथा फाइनान्सको केन्द्रीय कार्यलय मानभवन ललितपुरबाट आवेदन फारम लिन र बुझाउन सक्नेछन् ।

 सगरमाथाको बिक्री प्रबन्धकमा एनआइबीएल क्यापिटल मार्केट लिमिटेड रहेको छ । दुवै समूहको बोलपत्र चैत ४ गते दिउसो १ बजे कम्पनीको केन्द्रीय कार्यालय मानभवन ललितपुरमा खोलिनेछ । हाल सगरमाथाको चुक्ता पुँजी ३६ करोड ९२ लाख ९८ हजार रुपैयाँ छ । चालु आर्थिक वर्षको दोस्रो त्रैमासमा सगरमाथाले पाँच करोड ६१ लाख ८३ हजार रुपैयाँ खुद नाफा कमाएको छ । प्रतिसेयर आम्दानी ३० रुपैयाँ ४३ पैसा ९बार्षिकीकरण० रहेको फाइनान्सको प्रतिसेयर नेटवर्थ भने १७२ रुपैयाँ ८३ पैसा छ ।