">
- अर्थ सरोकार संम्वाददाता
काठमाडौं – युनाइटेड मोदी हाइड्रोपावरकोे आइपीओ भर्ने सोमबार अन्तिम दिन हो । युनाइटेडले फागुन १९ गतेदेखि १७ लाख २५ हजार कित्ता आइपीओ बिक्री खुला गरेको हो । एक सय रुपैयाँ अंकित मूल्यको यो आइपीओमा न्यूनतम ५० देखि अधिकतम १५ हजार कित्तासम्म आवेदन दिन पाइनेछ ।
कम्पनीले ३४ हजार ५०० कित्ता सेयर कर्मचारीको लागि छुट्याएको छ भने ८६ हजार २५० कित्ता सेयर सामूहिक लगानी कोष कम्पनीहरुलाई दिएको छ । मोदीको आइपीओमा बिक्री प्रबन्धकको काम एनआइबीएल क्यापिटल मार्केट लिमिटेडले गरेको छ । साधारण सेयरको बिक्री पछि कम्पनीको चुक्ता पुँजी एक अर्ब १५ करोड रुपैयाँ पुग्नेछ ।
लगानीकर्ताले एनआइबीएल क्यापिटल मार्केट लाजिम्पाट काठमाण्डौं, भिबोर क्यापिटल ललितपुर कृष्णगल्ली, गोर्खाज फाइनान्स डिल्लीबजार र यसका बौद्ध, न्युरोड, सातदोबाटो, सूर्यबिनायक, दमक, धरान, इटहरी, नारायणगढ तथा बिर्तामोड शाखाबाट दरखास्त फारम लिन र बुझाउन सक्नेछन् । त्यस्तै, आइसीएफसी फाइनान्स भाटभटेनी, बौद्ध, मैतिदेवी, गोंगबु, पेप्सीकोला र बनेपा शाखाबाट पनि दरखास्त लिन र बुझाउन सकिनेछ ।
सीबीआई क्यापिटल मार्केट डिल्लीबजार, काठमाडौं क्यापिटल मार्केट कमलादी, सिनर्जी फाइनान्स र यसमा शाखा कार्यालयहरुबाट पनि दरखास्त फारम पाइनेछ । उपत्यका बाहिर हाम्रो विकास बैंक बिदुर नुवाकोट, ग्रीन डेभलपमेन्ट बैंक बाग्लुङ र साझा विकास बैक धनगढी र कैलालीमा पनि आवेदन फारम पाइनेछ ।
