×

Live on

रेडियो अर्थ सरोकार

Listen to live radio.

नेपाल वैदेशिक रोजगार व्यवसायी संघको निर्वाचनमा यसकारण समस्यामा रोहन गुरुङ

GLOBAL IME BANK
KAMANA SEWA BIKAS BANK

नेपाल वैदेशिक रोजगार व्यवसायी संघको निर्वाचनमा यसकारण समस्यामा रोहन गुरुङ

१३ असार २०७४, मंगलवार

पढ्न लाग्ने समय: २ मिनेटभन्दा कम

काठमाडौं । नेपाल वैदेशिक रोजगार व्यवसायी सघंको निर्वाचन नजिकिँदै गएको छ । निर्वाचनमा लोकतान्त्रिक वैदेशिक रोजगार व्यवसायी फोरम र प्रगतिशिल वैदेशिक रोजगार व्यवसायी मञ्चका साथै अन्य व्यवसायीहरु सम्मिलित संयुक्त व्यवसायी समूह बनेको छ । 
फोरमबाट संघका हालका अध्यक्ष विमल ढकालले उमेद्ववारी दिएका छन भने संयुक्त व्यवसायी समूहबाट संघका वर्तमान महासचिव रोहन गुरुङले उमेदवारी दिएका छन् । यो निर्वाचनमा ढकालसँग गुरुङ विजयी हुने सम्भावना निकै न्यून रहेको छ । मञ्चले मत पाउने भन्दै विभिन्न संघ संस्थाहरुको सहयोग लिइएको छ । तै पनि गुरुङले जित्ने सम्भावना कम छ । 
उनले आफुले जित्नका लागि मञ्चका व्यवसायीहरुलाई नै बेवास्था गर्दै प्रथम उपाध्यक्ष रामप्रसाद भन्तना (माओवादी समर्थीत व्यवसायी) वैदेशिक रोजगार गणतान्त्रिक मञ्चलाई प्रमथ उपाध्यक्षसहित सचिव र दुई सदस्य दिइएको छ । उनीहरुको संगठनमा २५ जना सदस्य रहेको भनिएको छ । भन्तनाले अन्य व्यवसायीहरुसँग छलफल नगरी निर्वाचनमा तालमेल गरेपछि १५ मत भन्दा बढी आउने सम्भावना नरहेको बुझीएको छ । तामाङ समाजमा पनि मञ्चले तालमेल रहेको छ । 
समाजमा ७० व्यवसायी रहेको बताइएको छ । स्रोतका अनुसार गुरुङको व्यक्तीगत सम्बन्ध र संघमा हुँदा व्यवसायीहरुलाई गरेको असहयोगका कारण २० देखि २५ मतभन्दा बढी नआउने बताइएको छ । 
त्यति मात्र होईन झण्डै ५० मत रहेको मगर समाजले पनि गुरुङलाई मत दिने सम्भावना न्यून बन्दै गएको चर्चा छ । जहाँ ३५ सदस्य रहेका छन् । त्यसमध्ये बढीमा २० मत आउने आंकलन गरिएको छ । यो पनि उनकै व्यक्तिगत कारण नै हो । अर्को झण्डै ५६ सदस्य रहेको वैदेशिक रोजगार तमुःधीले त विज्ञप्ति नै जारी गरेर मत नदिने बताएको छ । 
तमुःधीले केही राजनीति दलले आफ्नो संस्थाको नाम जोडेको भन्दै खण्डन समेत गरेको छ । तसर्थ यहाँबाट बढीमा २० जनाको मात्र मत आउने बताइएको छ । यता झण्डै २२ जना सदस्य रहेको विश्वकर्मा समाजसँग पनि मञ्चले एलाईन्स गरेको छ । निर्वाचनमा पक्कड मत रहेको र निर्णायक मत मानिने सिनामंगल समाजमा सय भन्दा बढी सदस्य रहेका छन् । त्यही क्षेत्रका चर्चीत व्यवसायी सुजित श्रेष्ठ महासचिवमा उठेका कारण गुरुङको मत काटिने र उनले बढीमा ४० मत पाउने आकलन गरिएको छ । अर्को निर्णायक मत भएको ललितपुर वैदेशिक रोजगार समाजमा ८६ मत रहेको छ । 
जहाँबाट गुरुङको व्यक्तिगत स्वभावका कारण बढीमा २० मत आउने अनुमान गरिएको छ । गुरुङको आधार मानिएको वैदेशिक रोजगार एकता समाज (सामाखुसी क्षेत्र) हो जहाँ माओवादी समर्थीत बढी व्यवसायी रहेका छन् । उनीहरु भन्तनासँग रिसाएका कारण गुरुङको समेत मत काटिने आंकलन गरिएको छ । लगभग ६० जना सदस्य रहेको बसुन्धरा क्षेत्रको मत भने गुरुङको टपजब्स सोही क्षेत्रमा भएका कारण उनको जित्ने आधार त्यही मात्र रहेको छ । अहिलेको निर्वाचनमा नयाँ एक सय ४० भन्दा बढी व्यवसायी थपिएका छन् । गुरुङ नयाँ व्यवसायीलाई म्यानपावर खोल्न दिन हुँदैन भनेर अवरोध गरेका कारण नयाँ व्यवसायीको मत पुर्ण रुपमा ढकाललाई जाने आंकलन गरिएको छ । तसर्थ गुरुङको सम्भावना क्षण बन्दै गएको छ । जनप्रहार साप्ताहिकमा खबर छ । जनप्रहार साप्ताहिकमा खबर छ । 
CITIZEN LIFE INSURANCE
Hamro Parto AD
ACTIVE ACADEMY

प्रतिक्रिया दिनुहोस्

सिफारिस: