- अर्थ सरोकार सम्बाददाता
यसअघि अर्थ सरोकार डटकमले इन्द्रेणी फुडल्याण्ड, दी बेकरी क्याफे लगायतकाको मेनु गैरकानुनी रहेको खबर सार्वजनिक गरेपछि अहिले इन्द्रेणी फुडल्याण्डमा रहेको ‘काल्दी क्याफे’को मेनु परिवर्तन भएको छ भने दी बेकरी क्याफेको मेनु पनि परिवर्तन हुन लागेको बुझीएको छ । तर कर कार्यालय नजिकै रहेको दी बेकरी क्याफे पनि भ्याट नियमावली विपरित मेनु राखेर ‘गैरकानुनी’ काम गरिरहँदा पनि कसैको ध्यान गएको छैन ।
अर्थ सरोकार डटकमले ‘अप्रेशन खानाबार’ अन्तर्गत उपत्यकाका विभिन्न रेष्टुरेन्टहरुको ‘मिडिया अनुगमन’ गरिरहेको छ । यहि सिलसिलामा बिहिबार सिद्धार्थ कटेजमा यस्तो फेला परेको हो । २ अर्थ सरोकारकर्मीले क्याफेमा कफी पिउँदाको बिलबाट उक्त क्याफेले जनतालाई ठगीरहेको स्पष्ट हुन्छ ।
तर यो नियमको बर्खीलाप गर्दै दी बेकरी क्याफेलेले आफ्नो मेनुमा भ्याट बाहेकको मूल्य उल्लेख गरी भ्याट अतिरिक्त लाग्ने उल्लेख गरेको छ । क्याफेले यतिसम्म झुक्याएको छ कि मेनुमा भ्याट भन्ने शब्द छैन तर बिलमा भ्याट अतिरिक्त जोडेर आउँछ । जनताले नबुझ्ने गरी उसले ‘अन्य सरकारी कर लाग्नेछ। ‘ लेखेको छ । प्रचलित नियम अनुसार कुनै पनि रेष्टुरेन्टको मेनुमा १३% अतिरिक्त भ्याट लाग्नेछ भन्दै भ्याट बाहेकको मूल्य राख्न पाईदैन । तर बेकरी क्याफेले खुलेआम रुपमा अतिरिक्त भ्याट उठाएर जनता ठगीरहेको छ भने अर्कोतर्फ भ्याट नियमावलीको खिल्ली उडाएर कानुनको धज्जी उडाएको छ ।
यसो त भ्याट नियमावली अनुसार भ्याट बाहेकको मूल्य तोकेर मेनु राख्न नपाइने नियम रहेको र काठमाडौँका विभिन्न रेष्टुरेन्टहरुले ‘गैरकानुनी’ रुपमा मेनु बनाएको खबर अर्थ सरोकार डटकमले सार्वजनिक गरेपछि विभिन्न रेष्टुरेन्टहरुले मेनु सच्याएका समेत छन् । तर कानुनको खिल्ली उडाएर मनपरी गर्ने त्यस्ता रेस्टुरेन्टहरुलाई सम्बन्धित निकायले कार्वाही भने गर्न सकेको छैन ।
के भन्छ आन्तरिक राजश्व विभाग ?
- यसरी महिनाकै लाखौँ भ्याट छली गर्छ इन्द्रेणी फुडल्याण्ड, क्याफेका वेटर नै यसरी महिनाको लाखौँ कमाउँछन्
- !एलिनाज बेकरी क्याफेदेखि इन्द्रेणी फुडल्याण्डसम्मका मेनु ‘गैरकानुनी’, यसरि उडाइंदैछ कानुनको धज्जी ! (प्रमाणसहित)
