काठमाडौँ- परामर्शदाता संघ नेपालले प्रधानमन्त्रीको कार्यालयमा खरिद ऐन र नियममा भएको नीतिगत भ्रष्टाचार गर्ने प्रावधान हटाउन आवश्यक सुझावसहितको पत्र पठाएको छ । संघले नेपालमा कसरी कहाँ कुन तरिकाले नीतिगत भ्रष्टाचार हुन्छ भन्ने जानकारी सहितको पत्र प्रधानमन्त्रीको कार्यालयमा पठाएको हो । संघले कुन नियमलाई टेकेर कहाँ कसरी भ्रष्टाचार गरिन्छ, थोरैको कामलाई धेरै रकममा कसरी मिलाइन्छ, ठुलो कामलाई कसरी टुक्रा पारिन्छ, र कसरी कमिसनको खेल चल्छ भन्ने विषयमा विस्तृत विवरण खुलाएर यस्तो पत्र लेखेको हो। 

साथै संघले नेपालमा नीतिगत भ्रष्टाचार भइरहेको ध्यानाकर्षण गराउंदै अध्ययनका नाममा राज्यको ढुकुटी कसरी रित्तो पारिंदैछ भन्ने समेत उल्लेख गरेको छ । नेपालजस्तो बिकाशोन्मुख देशमा भ्रष्टाचारले कसरी जाडो गाडेको छ र त्यसलाई हटाउन के के नीतिगत सुधार गर्नुपर्छ भन्ने पनि संघको पत्रमा उल्लेख छ ।  

क्यान, नेपालमा रहेका इन्जिनियरिङ कन्सल्टेन्टहरुको संगठन हो ।