काठमाडौं – जनता बैङ्कले संस्थागत सामाजिक उत्तरदायित्व अन्तर्गत नेप्लिज पार्किन्सन डिजिज एशोसिएशनलाई ब्यायाम मेशिन हस्तान्तरण गरेको छ ।
पार्किन्सन रोगीलाई परामर्श तथा उपचारमा सहयोग पुर्याउने उद्देश्यले स्थापना गरिएको एशोसिएशनमा रहेका बिरामीको सुविधाका लागि उक्त मेशिन हस्तान्तरण गरिएको बैङ्कले जानकारी दिएको छ ।
आइतवार एक कार्यक्रम आयोजना गरी बैङ्कका सहायक महाप्रबन्धक तथा काठमाडौं क्षेत्रीय प्रमुख कल्याण पाँडेले एशोसिएशनका अध्यक्ष रत्नराजेश्वरी थापालाई उक्त मेशिन प्रदान गरेका हुन् ।
