">
काठमाडौं – बैङ्किङ पहुँच नपुगेका स्थानीय तहमा शाखा स्थापना गर्ने नेपाल सरकारको उद्देश्यअनुरूप नेपाल बङ्गलादेश (एनबी) बैङ्कले काठमाडौं महानगरपालिका–३२, कोटेश्वरमा शाखा स्थापना गरेको छ । बिहीवार आयोजित एक कार्यक्रमबीच बैङ्कका अध्यक्ष जलाल अहमदले उक्त शाखाको उद्घाटन गरेका हुन् ।
उक्त शाखा सञ्चालनले यहाँका व्यवसायी तथा सर्वसाधारणलाई वित्तीय कारोबार गर्न सहज हुने बैङ्कका प्रमुख कार्यकारी अधिकृत ज्ञानेन्द्रप्रसाद ढुङ्गानाको भनाइ छ । स्थानीय तहमा छरिएर रहेको बचत परिचालन गरी सोही क्षेत्रका उद्योग व्यवसायमा टेवा पुर्याउने उद्देश्यले शाखा सञ्चालन गरिएको उनले बताए ।
योसहित बैङ्कको शाखा सङ्ख्या ७१ पुगेको छ । यी शाखाका साथै बैङ्कले पाँच एक्सटेन्शन काउण्टर, सात शाखारहित बैङ्किङ सेवा तथा ५२ एटीएममार्फत वित्तीय सुविधा दिँदै आएको छ ।
