काठमाडौँ- जनहित र राष्ट्रहितका लागि कुनै पनि समस्याको समाधान ईन्जिनियरिङ्ग ढङ्गले गर्ने उदेश्यका साथ आयोजना भएको शुक्रबारबाट ‘हिमालय इन्जिनियरिङ्ग प्रदर्शनी २०७५’ सम्पन्न भएको छ । सिभील विधाका तर्फबाट ‘सिभिल क्लब’, आर्किटेक्चर, इलोक्ट्रोनिक्स एण्ड कम्युनिकेसन विधाका तर्फबाट ‘रोबोर्टिक्स क्लब को संयुक्त सहयोग र योगदानसहितको उक्त कार्यक्रम असार १५, १६ र १७ गते आयोजना भएको थियो ।  हरेक विधाका विधार्थिहरुले आफ्ना पाठ्यक्रम अनि विषयवस्तु सम्बन्धित नेपालका समसामयिक समस्याहरुलाई लिई त्यसका उन्मुलनका उपायलाई नयाँ प्रविधि, नयाँ सोच र रुपका साथ कार्यक्रममा प्रदर्शन गरिएको छ ।

अवलोकनकर्ताहरुको उल्लेखनीय सहभागीताका साथ् सम्पन्न भएको उक्त कार्यक्रमको चौतर्फी प्रशंसा भएको छ भने अवलोकनकर्ताहरुले पनि यसखाले कार्यक्रम आयोजना भइरहनुपर्ने बताएका छन् । २०१७को संस्करणभन्दा अझ परिमार्जित र परिस्कृत देखिएको उक्त कार्यक्रममा प्रविधिका नयाँ प्रयोगसँगै सम्भावित ‘प्रोजेक्ट’हरुको समेत प्रदर्शनी गरिएको थियो । यता प्रदर्शनीका अवलोकनकर्ताहरुले समेत आफुले उक्त प्रदर्शनीबाट धेरै कुरा सिक्ने मौका पाएको बताएका छन् ।

उक्त कार्यक्रममा अर्थ सरोकार डटकम अफिसियल अनलाइन पार्टनरका रुपमा रहेको थियो ।