प्रभु बैंकले नुवाकोट जिल्ला बिदुर नगरपालिका–७ तुप्चेमा आइतबार सामाजिक सुरक्षा भत्ता वितरण कार्यक्रम सम्पन्न गरेको छ । 

सरकारले नगरपालिकामार्फत वितरण गर्ने सामाजिक सुरक्षा भत्ता वितरण वाडा नं ७ र १३ मा नै गई वितरण गर्ने बिदुर नपा र यस बैंकबीच सम्पन्न सम्झौताबमोजिम–७ तुप्चेमा गई वितरण गरिएको भन्दै बैंकले उक्त भत्ता वितरण नगरपालिकाका मेयर सन्जु पण्डितद्वारा एक कार्यक्रमकाबीच उद्घाटन गरिएको जनाएको छ । 

प्रभु बैंक घर आँगनमा गएर भत्ता वितरण गर्दा सबै वृद्ध आमाबाबाहरूलाई राहत भएको र बैंकको संस्थागत सामाजिक उत्तरदायित्व पूरा भएको मेयर पण्डितले बताइन् । मेयर पण्डितले प्रभु बैंकसँग नगरपालिकाले अबका दिनमा एक अर्कामा साझेदारी गर्दै जाने कुरा पनि स्पष्ट पारिन् ।